Iran choča prapanavać Trampu naftavuju ździełku, kab jon jaho nie čapaŭ
Iran razhladaje mahčymaść prapanavać Donaldu Trampu maštabnyja inviestycyjnyja prajekty ŭ naftahazavym siektary krainy, kab damahčysia źmiakčeńnia napružanaści i zaklučeńnia pahadnieńnia pa jadziernaj prahramie, paviedamlaje Financial Times.
Pavodle infarmacyi Financial Times, u Tehieranie abmiarkoŭvajucca idei, jakija pavinny zacikavić Trampa jak biznesoŭca. Krynicy vydańnia śćviardžajuć, što havorka idzie pra «kamiercyjnuju załatuju žyłu» — mahčymaści dla ZŠA atrymać vyhadu ad inviestycyj u naftahazavuju halinu, zdabyču karysnych vykapniaŭ i stratehična važnych minierałaŭ. Pry hetym aficyjnaj prapanovy Vašynhtonu pakul nie nakiroŭvali.
Adzin z surazmoŭcaŭ adznačyŭ, što ŭ Iranie vyvučali prykład Vieniesueły, dzie paśla kantaktaŭ z Donaldam Trampam napružańnie častkova źniziłasia na fonie intaresaŭ amierykanskich kampanij u naftavych kantraktach.
U ZŠA, adnak, zajaŭlajuć, što nijakich kamiercyjnych prapanoŭ nie atrymlivali. Pavodle amierykanskaha boku, pazicyja Trampa zastajecca niaźmiennaj: Iran nie pavinien mieć jadziernaj zbroi abo mahčymaści jaje stvaryć.
Čakajecca, što ministr zamiežnych spraŭ Irana Abas Arakčy praviadzie čarhovy raŭnd pieramoŭ u Ženievie z pradstaŭnikami Trampa — Styvam Uitkafam i Džaredam Kušnieram.
Adznačajecca, što Iran — nie adzinaja kraina, jakaja sprabuje vyrašać sprečki z Trampam praz bujnyja ekanamičnyja abiacańni. Raniej padobnyja padychody vykarystoŭvali Jeŭrapiejski sajuz, Japonija, Saudaŭskaja Aravija i Indyja.
Asobna zhadvajecca i Rasija. Śpiecpradstaŭnik Uładzimira Pucina Kirył Dźmitryjeŭ ahučyŭ idei sumiesnych prajektaŭ z ZŠA na sumu da 14 tryljonaŭ dalaraŭ, uklučajučy raspracoŭku arktyčnych radoviščaŭ i budaŭnictva tunelu praź Bierynhaŭ praliŭ. Adnak ekśpierty ličać takija ličby nierealistyčnymi i pryznačanymi chutčej dla pryciahnieńnia ŭvahi Trampa, čym dla praktyčnaj realizacyi.
Raniej paviedamlałasia, što Tramp uzmacniŭ vajskovuju prysutnaść ZŠA na Blizkim Uschodzie i daŭ Tehieranu abmiežavany termin dla dasiahnieńnia pahadnieńnia, papiaredziŭšy pra mahčymyja «drennyja nastupstvy» ŭ advarotnym vypadku.
Ci ŭdaryć armija ZŠA pa Iranie i ci dapamoža joj Izrail?
Adzin sa scenaryjaŭ Pientahona praduhledžvaje likvidacyju ajatały Chamieniei i jaho syna
Trampa prainfarmavali, što vajskoŭcy hatovyja da bajavych dziejańniaŭ suprać Irana ŭžo zaŭtra
Tramp: Źmiena režymu ŭ Iranie — najlepšaje, što moža adbycca
Siońnia ŭ Amanie adbuducca pieramovy ZŠA i Irana. Ci dapamohuć jany praduchilić vajnu?
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary
Kreml sam hetymi kartami karystajecca, durmaniačy Trampa, kab ciahnuć čas, ciapier i baradačy pasprabujuč pahulacca ŭ tuju ž hulniu z padkazki Kramla.