Іран разглядае магчымасць прапанаваць Дональду Трампу маштабныя інвестыцыйныя праекты ў нафтагазавым сектары краіны, каб дамагчыся змякчэння напружанасці і заключэння пагаднення па ядзернай праграме, паведамляе Financial Times.
Паводле інфармацыі Financial Times, у Тэгеране абмяркоўваюцца ідэі, якія павінны зацікавіць Трампа як бізнэсоўца. Крыніцы выдання сцвярджаюць, што гаворка ідзе пра «камерцыйную залатую жылу» — магчымасці для ЗША атрымаць выгаду ад інвестыцый у нафтагазавую галіну, здабычу карысных выкапняў і стратэгічна важных мінералаў. Пры гэтым афіцыйнай прапановы Вашынгтону пакуль не накіроўвалі.
Адзін з суразмоўцаў адзначыў, што ў Іране вывучалі прыклад Венесуэлы, дзе пасля кантактаў з Дональдам Трампам напружанне часткова знізілася на фоне інтарэсаў амерыканскіх кампаній у нафтавых кантрактах.
У ЗША, аднак, заяўляюць, што ніякіх камерцыйных прапаноў не атрымлівалі. Паводле амерыканскага боку, пазіцыя Трампа застаецца нязменнай: Іран не павінен мець ядзернай зброі або магчымасці яе стварыць.
Чакаецца, што міністр замежных спраў Ірана Абас Аракчы правядзе чарговы раўнд перамоў у Жэневе з прадстаўнікамі Трампа — Стывам Уіткафам і Джарэдам Кушнерам.
Адзначаецца, што Іран — не адзіная краіна, якая спрабуе вырашаць спрэчкі з Трампам праз буйныя эканамічныя абяцанні. Раней падобныя падыходы выкарыстоўвалі Еўрапейскі саюз, Японія, Саудаўская Аравія і Індыя.
Асобна згадваецца і Расія. Спецпрадстаўнік Уладзіміра Пуціна Кірыл Дзмітрыеў агучыў ідэі сумесных праектаў з ЗША на суму да 14 трыльёнаў даляраў, уключаючы распрацоўку арктычных радовішчаў і будаўніцтва тунэлю праз Берынгаў праліў. Аднак эксперты лічаць такія лічбы нерэалістычнымі і прызначанымі хутчэй для прыцягнення ўвагі Трампа, чым для практычнай рэалізацыі.
Раней паведамлялася, што Трамп узмацніў вайсковую прысутнасць ЗША на Блізкім Усходзе і даў Тэгерану абмежаваны тэрмін для дасягнення пагаднення, папярэдзіўшы пра магчымыя «дрэнныя наступствы» ў адваротным выпадку.
Ці ўдарыць армія ЗША па Іране і ці дапаможа ёй Ізраіль?
Адзін са сцэнарыяў Пентагона прадугледжвае ліквідацыю аяталы Хаменеі і яго сына
Трампа праінфармавалі, што вайскоўцы гатовыя да баявых дзеянняў супраць Ірана ўжо заўтра
Трамп: Змена рэжыму ў Іране — найлепшае, што можа адбыцца
Сёння ў Амане адбудуцца перамовы ЗША і Ірана. Ці дапамогуць яны прадухіліць вайну?
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага20
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу115115
Каментары
Kreml sam hetymi kartami karystajecca, durmaniačy Trampa, kab ciahnuć čas, ciapier i baradačy pasprabujuč pahulacca ŭ tuju ž hulniu z padkazki Kramla.