38‑hadovy hałkipier straciŭ prytomnaść, kali daviedaŭsia, što jaho vyklikali ŭ zbornuju Brazilii
Hałkipier brazilskaha «Hremia» Vieviertan daznaŭsia pra vyklik u nacyjanalnuju zbornuju na čempijanat śvietu ŭ kole siamji i siabroŭ.
Paśla taho jak hałoŭny trenier Karła Ančałoci nazvaŭ jaho imia, jon pačaŭ skakać ad radaści, ale ŭžo praź niekalki siekund upaŭ biez prytomnaści.
«Ščyra kažučy, ja navat nie viedaju, što adbyłosia. Ja niekalki razoŭ pierahladaŭ videa i dziakuju Bohu, što jon vyratavaŭ mianie. Toje, što pavinna było stać radasnym momantam, mahło abiarnucca trahiedyjaj», — raskazaŭ Vieviertan vydańniu G1.
Z-za mituśni spačatku nichto navat nie zrazumieŭ, što zdaryłasia, i nie paśpiašalisia na dapamohu. Praź niekatory čas jon sam pryjšoŭ u prytomnaść.
Dla Vieviertana heta budzie ŭžo druhi čempijanat śvietu. U 2022 hodzie jon zhulaŭ 10 chvilin u 1/8 finału suprać Paŭdniovaj Karei.
Na hetym čempijanacie jon, napeŭna, budzie trecim bramnikam śledam za Alisanam i Edersanam.
Kamientary