Mieniedžara bujnoj IT-kampanii asudzili pa abvinavačańni va ŭdziele ŭ pratestach i «sadziejničańni ekstremizmu»
Alaksandr Łabuzaŭ robić paśpiachovuju karjeru ŭ mižnarodnych kampanijach i zachaplajecca aŭtamabilami. Niadaŭna jaho asudzili pa dvuch kryminalnych artykułach.
Alaksandru Łabuzavu 35 hadoŭ. Jon sa Śvietłahorska. Skončyŭ Śvietłahorski vučebna-vytvorčy kambinat na ślesara pa ramoncie aŭtamabilaŭ, paśla pastupiŭ u minskaje MITSO na śpiecyjalnaść «Ekanomika i kiravańnie na pradpryjemstvie». U 2016‑m skončyŭ mahistraturu tam ža pa sumiežnaj śpiecyjalnaści.
Spačatku Alaksandr pracavaŭ namieśnikam dyrektara ŭ kramie «Elit Trejd» u Śvietłahorsku, z 2008 da 2016 hoda. Paśla pierajechaŭ u Minsk i ŭładkavaŭsia ŭ «Atłant-M», dzie ź mieniedžara ŭ prodažach daros da małodšaha kiraŭnika prajektaŭ.
Paśla mužčyna pierajšoŭ u kampanii, źviazanyja z IT-prodažami i prajektnym kiravańniem, a z 2023 da 2025 pracavaŭ starejšym mieniedžaram pa rabocie z klijentami u Noventiq Belarus. Heta bujny pravajdar IT-rašeńniaŭ i servisaŭ, jaki dapamahaje kampanijam ź ličbavaj transfarmacyjaj biznesu i kibierbiaśpiekaj.
Alaksandr — udzielnik supołak amataraŭ Ford Kuga i Fiat 500.
Mužčynu sudzili ŭ Minskim haradskim sudzie. Jaho abvinavačvali va ŭdziele ŭ pratestach (č. 1 art. 342) i «sadziejničańni ekstremisckaj dziejnaści» (č. 1 i 2 art. 361‑4 KK).
Termin daŭniny pa pieršym artykule moh by ŭžo prajści, ale pakolki Łabuzavu vystavili i druhoje abvinavačvańnie — chutčej za ŭsio, pa spravie Hajuna, — to sudzili i za toje, i za druhoje.
Dakładny prysud nieviadomy, ale heta chatniaja chimija.
«Naša Niva» — bastyjon biełaruščyny
PADTRYMAĆPaśla viartańnia z Polščy aryštavali suzasnavalnicu startapa GlobalTips. Joj dali try hady kałonii za dapamohu palitviaźniam
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary