Novym Papam abviaścili amierykana-pieruanskaha kardynała Robierta Prevo
Robiertu Frensisu Prevo 69 hadoŭ, i jon prymaje imia Leŭ XIV. Bolšuju častku žyćcia jon pravioŭ u Pieru i maje reputacyju refarmista, jak i niabožčyk Papa Francišak.
Robiert Frensis Prevo naradziŭsia 14 vieraśnia 1955 hoda ŭ Čykaha (ZŠA). Jon ustupiŭ u orden śviatoha Aŭhuścina ŭ 1977 hodzie i pryniaŭ śviatarskaje paśviačeńnie ŭ 1982-m. Atrymaŭ stupieni mahistra bahasłoŭja i doktara kananičnaha prava ŭ Rymie.
Z 1985 hoda słužyŭ u Pieru, dzie zajmaŭ roznyja pasady: vykładčyk, sudździa, kiraŭnik sieminaryi. U 1998 hodzie staŭ pravincyjałam aŭhuścincaŭ u Čykaha, a ŭ 2001-m — hienieralnym nastajacielem usiaho ordena Śviatoha Aŭhuścina, zajmaŭ hetu pasadu da 2013 hoda.
U 2014 hodzie Papa Francišak pryznačyŭ jaho biskupam Čykłaja (Pieru), dzie jon słužyŭ da 2023 hoda. Taksama časova ŭznačalvaŭ dyjaceziju Kaljaa. Aktyŭna ŭdzielničaŭ u pracy pieruanskaj biskupskaj kanfierencyi i vatykanskich kanhrehacyj.
30 studzienia 2023 hoda staŭ prefiektam Dykasteryi pa spravach biskupaŭ i atrymaŭ tytuł archibiskupa. 30 vieraśnia 2023 hoda byŭ pryznačany kardynałam-dyjakanam, a 6 lutaha 2025 hoda — kardynałam-biskupam z tytułam suburbikanskaj dyjacezii Albana.
Leŭ XIV staŭ pieršym u historyi pantyfikam amierykanskaha pachodžańnia.
Ciapier čytajuć
Dačka Nadziei Jermakovaj pastaŭlaje rybu ŭ kałonii, balnicy i siłavikam2
Kamientary