U Vialikabrytanii zatrymali vaśmiarych mužčyn u vyniku dźviuch asobnych antyterarystyčnych apieracyj. Bolšaść zatrymanych — hramadzianie Irana. Pavodle palicyi, apieracyi nie źviazanyja pamiž saboj, ale majuć surjozny charaktar i śviedčać pra praciahłuju pahrozu nacyjanalnaj biaśpiecy.
Pieršaja apieracyja adbyłasia ŭ subotu i prachodziła na terytoryi roznych rehijonaŭ Anhlii — u Śvindanie, zachodnim Łondanie, Stokparcie, Ročdejle i Mančestary. U vyniku byli aryštavanyja piać mužčyn, čaćviora ź jakich — hramadzianie Irana: dvaim pa 29 hadoŭ, adnamu — 40, i jašče adnamu — 46. Asobu i hramadzianstva piataha aryštavanaha nie ŭdakładniajuć.
U toj ža dzień, u ramkach asobnaha antyterarystyčnaha rasśledavańnia, u Łondanie byli aryštavanyja jašče troje mužčyn, va ŭzroście 39, 44 i 55 hadoŭ. Usie jany — hramadzianie Irana.
Palicyja padkreśliła, što hetaja apieracyja nie źviazanaja z zatrymańniem pieršych piaci asob.
Ciapier śledčyja sprabujuć vyśvietlić, ci jość inšyja pahrozy dla hramadskaści.
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary