Čamu staŭ mahčymy vypadak z amierykanskimi vajskoŭcami na litoŭskim bałocie?
27 sakavika ŭ Litvie pačałasia składanaja vyratavalnaja apieracyja paśla taho, jak było vyjaŭlena, što ciažkaja amierykanskaja broniemašyna padčas vučeńniaŭ trapiła ŭ bałota i ŭ im zatanuła. Čatyroch členaŭ ekipaža pakul što nie znajšli ni žyvymi, ni miortvymi. Ale jak uvohule heta mahło adbycca, chiba jany nie bačyli, što pierad imi dryhva?
Litoŭski naturalist Andrejus Hajdamavičus patłumačyŭ LRT Radio, što amierykanskija vajskoŭcy, chutčej za ŭsio, trapili ŭ pastku vierchavoha bałota. Takaja miascovaść, kaža jon, vielmi padstupnaja: čałaviek pa joj prajści moža, ale ciažkaja technika pravalicca vielmi chutka.
«Tam jość dziejnaje vierchavoje bałota, jakoje ŭ 2012 hodzie było ŭličanaje. Tam da niadaŭniaha času było voziera, pobač jość nievialikaje voziera, jakoje zabałočanaje, jano pierasychaje.
Vierchavoje bałota, jakoje ŭ narodzie nazyvajuć žuravinavym, maje davoli padmanlivy vyhlad», — skazaŭ jon.
Na pieršy pohlad takoje bałota moža vyhladać jak suchi ŭčastak, pakryty mocham, dzie rastuć nievialikija sosny. Ale ŭ realnaści pad davoli tonkim płastom hruntu kryjucca tvań i vada.
Ministr abarony Litvy: My nie tracim nadziei znajści amierykanskich vajskoŭcaŭ
Vyratavalnaja apieracyja na palihonie ŭ Litvie praciahvajecca. Čamu nie ŭdajecca adkryć luk husieničnaj mašyny?
Zatanułuju ŭ litoŭskim bałocie amierykanskuju broniemašynu znajšli, a vajskoŭcaŭ jašče šukajuć
Hiensak NATA paćvierdziŭ hibiel amierykanskich vajskoŭcaŭ u Litvie
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary
Died Tałaš utopił bronievik priamo na učienijach.
Vojevať łučšie dažie nie načinať ))