Чаму стаў магчымы выпадак з амерыканскімі вайскоўцамі на літоўскім балоце?
27 сакавіка ў Літве пачалася складаная выратавальная аперацыя пасля таго, як было выяўлена, што цяжкая амерыканская бронемашына падчас вучэнняў трапіла ў балота і ў ім затанула. Чатырох членаў экіпажа пакуль што не знайшлі ні жывымі, ні мёртвымі. Але як увогуле гэта магло адбыцца, хіба яны не бачылі, што перад імі дрыгва?
Літоўскі натураліст Андрэюс Гайдамавічус патлумачыў LRT Radio, што амерыканскія вайскоўцы, хутчэй за ўсё, трапілі ў пастку верхавога балота. Такая мясцовасць, кажа ён, вельмі падступная: чалавек па ёй прайсці можа, але цяжкая тэхніка праваліцца вельмі хутка.
«Там ёсць дзейнае верхавое балота, якое ў 2012 годзе было ўлічанае. Там да нядаўняга часу было возера, побач ёсць невялікае возера, якое забалочанае, яно перасыхае.
Верхавое балота, якое ў народзе называюць журавінавым, мае даволі падманлівы выгляд», — сказаў ён.
На першы погляд такое балота можа выглядаць як сухі ўчастак, пакрыты мохам, дзе растуць невялікія сосны. Але ў рэальнасці пад даволі тонкім пластом грунту крыюцца твань і вада.
Міністр абароны Літвы: Мы не трацім надзеі знайсці амерыканскіх вайскоўцаў
Выратавальная аперацыя на палігоне ў Літве працягваецца. Чаму не ўдаецца адкрыць люк гусенічнай машыны?
Затанулую ў літоўскім балоце амерыканскую бронемашыну знайшлі, а вайскоўцаў яшчэ шукаюць
Генсак НАТА пацвердзіў гібель амерыканскіх вайскоўцаў у Літве
У дакументах па «справе Эпштэйна» знайшлі сляды буйных грашовых пераводаў у Мінск. Зноў усплыло імя Карыны Шуляк44
Каментары
Дед Талаш утопил броневик прямо на учениях.
Воевать лучше даже не начинать ))