У Будславе абвясцілі збор буйной сумы на працяг рэстаўрацыі касцёла
Нацыянальны санктуарый у Будславе вымушаны працягваць рэстаўрацыю без фінансавання з боку дзяржавы, нягледзячы на тое, што па ініцыятыве уладаў ён быў абвешчаны «духоўным цэнтрам» католікаў Беларусі. 16 лютага парафія распаўсюдзіла зварот аб тым, што «мае патрэбу ў дапамозе», піша Katolik.life.
Санктуарый апублікаваў ліст пробашча, адрасаваны да ўсіх, хто можа зрабіць ахвяраванне. У лісце гаворыцца пра тое, што пасля прызнання будслаўскага касцёла «духоўным цэнтрам» быў распрацаваны план мерапрыемстваў на выкананне рамонтна-рэстаўрацыйных работ. Толькі праектныя работы абыдуцца ў суму звыш 1,4 мільёна рублёў, інжынерныя — амаль у 190 тысяч рублёў, абследаванне канструкцый — амаль 72 тысячы рублёў. І яшчэ звыш 18 тысяч рублёў — паслугі па лазерным 3D-сканаванні.
У сувязі з гэтым парафія просіць аказаць любую спонсарскую дапамогу. Такім чынам, агульная сума, якая патрэбна ўжо ў найбліжэйшы час (толькі на падрыхтоўчыя работы), — амаль 1,7 мільёна рублёў, што перавышае суму ўсіх ахвяраванняў, якія былі сабраныя дагэтуль пасля пажару ў касцёле (1 мільён 446 тысяч рублёў).
Нядаўна з'яўлялася інфармацыя, як вернікі вымушаныя маліцца ў будслаўскім касцёле ў холадзе, а святары (у тым ліку біскуп Аляксандр Яшэўскі) — служыць Эўхарыстыю ў пальчатках. Новыя такія фотафакты можна ўбачыць на здымках, якія публікаваў на сваёй старонцы Віктар Ведзень.
Цяпер чытаюць
У дзень пачатку Пецярбургскага эканамічнага форуму УСУ нанеслі дзясятак удараў па нафтавым тэрмінале ў порце горада і базе Балтфлота ў Кранштаце14
Каментары