Падчас археалагічных раскопак у Будславе навукоўцы знайшлі каменны падмурак першага касцёла, які, хутчэй за ўсё, быў пабудаваны ў першай палове XVII стагоддзя. Пра гэта паведаміў Інстытут гісторыі Нацыянальнай акадэміі навук Беларусі.
Цяпер у Будславе вядзецца рэканструкцыя Касцёла Унебаўзяцця Найсвяцейшай Дзевы Марыі. Плануецца, што гэты храм стане важным каталіцкім цэнтрам краіны. У раскопках удзельнічаюць і гісторыкі з НАН Беларусі.
Падчас даследаванняў былі знойдзеныя часткі старога падмурка — яны часткова знаходзяцца пад сучасным касцёлам, але асноўная частка, у тым ліку і бабінец (пярэдняя частка храма), — за яго межамі.
Паводле звестак археолагаў, будынак меў памеры прыкладна 26 на 13 метраў, быў накрыты чарапіцай, а сцены былі пафарбаваныя вохрай. Пад касцёлам была размешчаная крыпта — падземнае памяшканне, верагодна, для пахаванняў.
11 мая 2021 года ў касцёле ў Будславе здарыўся моцны пажар. Пажарнікі змагаліся з агнём каля сямі гадзін. У выніку цалкам згарэў дах над цэнтральнай часткай храма, а таксама пацярпеў унікальны барочны арган — самы вялікі ў Беларусі.
Касцёл у Будславе з'яўляецца значным помнікам архітэктуры і гісторыі. Каменны храм узводзіўся з 1633 па 1783 год, а ўпершыню ў дакументах ён згадваецца яшчэ ў 1504 годзе. Сёння ён вядомы як Нацыянальны санктуарый Маці Божай Будслаўскай.
У Будславе пачаліся археалагічныя раскопкі
Здарэнне на фэсце ў Будславе: падчас набажэнства ўпаў дрон — цудам ніхто не пацярпеў
У Будслаўскі касцёл вярнулі статую, пашкоджаную пры пажары
У Будслаўскім касцёле раскрылі невядомыя раней роспісы
У Будславе разбіраюць унікальны алтар з ілюзорнай перспектывай, якой падманвалі гледача найвялікшыя дойліды Рыма
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары