Ministr abarony Litvy: Niama harantyi, što vajskoŭcy ZŠA ŭ mašynie — praviarajucca i inšyja viersii
Pošukava-vyratavalnaja apieracyja pa vyratavańni čatyroch amierykanskich vajskoŭcaŭ, źnikłych pablizu palihona ŭ Pabradzie, praciahvałasia minułaj nočču.
Ministr abarony Litvy Davile Šakalenie ŭ čaćvier u efiry radyjo LRT padkreśliła, što źjavilisia peŭnyja pazityŭnyja prykmiety, jakija dajuć nadzieju na «chutčejšy scenar» apieracyi pa vyciahvańni vajennaj techniki, što zahruzła ŭ vadajomie.
Razam z tym jana adznačyła, što niama harantyi, što vajskoŭcy znachodziacca ŭnutry mašyny — razhladajucca i inšyja mahčymyja scenary.
U apieracyi ŭdzielničajuć vajskoŭcy Litvy i ZŠA, pradstaŭniki roznych dziaržaŭnych struktur i pryvatnych kampanij.
Amierykanskija vajskoŭcy źnikli ŭ aŭtorak udzień padčas vučeńniaŭ na palihonie. Da pošukaŭ dałučylisia vajskoŭcy Litvy i inšych krain, a taksama viertaloty Vajenna-pavietranych sił i Słužby achovy dziaržaŭnaj miažy.
U sieradu było vyznačana vierahodnaje miesca zdareńnia, paśla čaho pačałasia pošukava-vyratavalnaja apieracyja.
Uviečary ŭ sieradu Jeŭrapiejskaje i Afrykanskaje kamandavańnie Uzbrojenych sił ZŠA paviedamiła, što husieničnaja evakuacyjnaja mašyna M88 «Hercules», u jakoj, mierkavana, znachodzilisia źnikłyja vajskoŭcy, była znojdziena zatanułaj u vadajomie na terytoryi palihona.
U čaćvier miesca zdareńnia znoŭ naviedali ministr abarony Davile Šakalenie i hałoŭnakamandujučy vojskami Litvy Rajmundas Vajkšnoras. Ranicaj prybyŭ premjer-ministr Hintaŭtas Pałuckas.
Kamientary