«Buduć vystaŭlenyja nievykanalnyja ŭmovy». U Kramli abmiarkoŭvajuć scenary admovy ad časovaha pieramirja
Pavodle śviedčańnia blizkich da rasijskich uładnych kołaŭ krynic vydańnia «Viorstka», dla Maskvy stała siurpryzam niadaŭniaja sumiesnaja zajava Vašynhtona i Kijeva ab hatoŭnaści Ukrainy da 30-dzionnaha spynieńnia ahniu. I ciapier Kreml budzie imknucca, kab uchilicca ad taho, kab hetyja damoŭlenaści stali realnaściu.
«Čakali, što lubyja publičnyja prapanovy takoha kštałtu buduć abmiarkoŭvacca zahadzia i ahučvacca pad hatovy adkaz», — havoryć surazmoŭca «Viorstki», blizki da administracyi prezidenta Rasii.
«Kateharyčnaj admovy, zrazumieła, sabie nichto nie dazvolić, — praciahvaje krynica. — Farmalna budzie dadzieny stanoŭčy adkaz, ale razam z hetym vystaŭlenyja nievykanalnyja ŭmovy. Nievykanalnyja dla Kijeva. Pucin choča prybrać Ukrainu z dyjałohu i damaŭlacca tolki z ZŠA. A paralelna vypraŭlać situacyju na froncie — da prymalnaj situacyi z punktu hledžańnia pieramoŭnaj pazicyi».
«Zhadžacca voś tak, na niešta tam «pračytanaje ŭ navinach», nichto nie budzie, — havoryć «Viorstcy» surazmoŭca, blizki da MZS Rasii. — Maskva čakaje aficyjnaj prapanovy i aficyjna aformlenych umoŭ».
Krynica taksama vykazała zdahadku, što ŭ Maskvie asabista čakajuć «kahości z pradstaŭnikoŭ administracyi Donalda Trampa».
Surazmoŭca «Viorstki» dadaje, što ŭmovy abaviazkova «pavinny zadavalniać Rasiju»: «Zhadžacca na pieramirje, padčas jakoha va Ukrainu praciahnuć zapampoŭvać uzbrajeńnie i hrošy — hłupstva».
Sam Uładzimir Pucin raniej nieadnarazova kazaŭ, što Rasii nie treba časovaje pieramirje:
«Heta nie pavinny być [mirnyja] pracesy, źviazanyja ź pieramirjem na tydzień, dva ci na hod — dla taho, kab krainy NATA pieraŭzbroilisia i zabiaśpiečylisia novym bojezapasam. Nam patrebnyja ŭmovy doŭhaterminovaha ŭstojlivaha i tryvałaha miru, jakija zabiaśpiečvajuć roŭnuju biaśpieku dla ŭsich udzielnikaŭ hetaha niaprostaha pracesu».
Reuters: Pucin naŭrad ci pahodzicca na spynieńnie ahniu va Ukrainie
USU arhanizavana adstupajuć z Kurskaj vobłaści. Rasijanie zaniali Sudžu
«Miač na baku Rasii» aznačaje, što Maskva ciapier moža adčuć cisk
Tramp anansavaŭ ułasnyja pieramovy z Pucinym na hetym tydni
Ukraina nazvała siońniašni ŭdar pa Rasii sihnałam Pucinu
Ciapier čytajuć
65‑hadovaha hamielčuka asudzili za sprobu dyviersii na čyhuncy i zdradu dziaržavie. Što viadoma?4
Kamientary