84-hadovy Eduard Chanok praśpiavaŭ «Carycu» pierad 15-tysiačnaj «Minsk-Arenaj»: jon pryjšoŭ na kancert Hanny Aści
Ukrainka z rasijskim pašpartam znoŭ sabrała anšłah u Minsku. I padrychtavała dla publiki siurpryz.
Adna z samych papularnych rasijskich śpiavačak vystupiła na «Minsk-Arenie». Na kancert pryjšli 15 tysiač hledačoŭ — i ich čakaŭ siurpryz.
U niejki momant na scenu vyjšaŭ 84-hadovy kampazitar Eduard Chanok. Narodny artyst Biełarusi pryznaŭsia, što źjaŭlajecca fanatam piesień Hanny Aści.
«Ja čałaviek emacyjny. Tamu, kali ja pasłuchaŭ usie tvaje pieśni, mianie tak paviało», — pracytavaŭ Chanok adzin z chitoŭ Hanny Aści.
Paśla hetaha kampazitar i aŭtar mnohich savieckich šlahieraŭ praśpiavaŭ dla 15-tysiačnaj areny, mabyć, samy papularny trek śpiavački «Caryca». Sama Hanna zajaviła, što, kali b u jaje byŭ taki nastaŭnik muzyki, jana śpiavała b u 100 razoŭ lepš.
Hanna Aści, jak i letaś, sabrała na «Minsk-Arenie» anšłah. Siońnia ŭ jaje budzie druhi kancert, na jakim zała taksama budzie zapoŭnienaja: u prodažy zastałosia tolki 18 kvitkoŭ. Darečy, u 2023-m Aści dała try anšłahavyja kancerty zapar, jakija naviedali 45 tysiač čałaviek.
Hańnie Aści 34 hady. Jaje sapraŭdnaje imia — Hanna Dziuba. Dziaŭčyna naradziłasia va ŭkrainskich Čarkasach, praviała tam usio dziacinstva. Pierajechała ŭ Maskvu ŭ 2013 hodzie, dzie spačatku stała papularnaj dziakujučy duetu Artik&Asti. Z 2021 hoda Hanna vystupaje solna. Śpiavačka, jakaja z časam atrymała rasijski pašpart, nijak nie vykazvajecca z nahody rasijskaha napadu na Ukrainu, za što jaje mocna krytykujuć na radzimie.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny32
Kamientary
Heta treba było apublikavać paśla navahodnich śviataŭ - dla vyviadzieńnia šłakaŭ z arhanizma.