84-гадовы Эдуард Ханок праспяваў «Царыцу» перад 15-тысячнай «Мінск-Арэнай»: ён прыйшоў на канцэрт Ганны Асці
Украінка з расійскім пашпартам зноў сабрала аншлаг у Мінску. І падрыхтавала для публікі сюрпрыз.
Адна з самых папулярных расійскіх спявачак выступіла на «Мінск-Арэне». На канцэрт прыйшлі 15 тысяч гледачоў — і іх чакаў сюрпрыз.
У нейкі момант на сцэну выйшаў 84-гадовы кампазітар Эдуард Ханок. Народны артыст Беларусі прызнаўся, што з'яўляецца фанатам песень Ганны Асці.
«Я чалавек эмацыйны. Таму, калі я паслухаў усе твае песні, мяне так павяло», — працытаваў Ханок адзін з хітоў Ганны Асці.
Пасля гэтага кампазітар і аўтар многіх савецкіх шлягераў праспяваў для 15-тысячнай арэны, мабыць, самы папулярны трэк спявачкі «Царыца». Сама Ганна заявіла, што, калі б у яе быў такі настаўнік музыкі, яна спявала б у 100 разоў лепш.
Ганна Асці, як і летась, сабрала на «Мінск-Арэне» аншлаг. Сёння ў яе будзе другі канцэрт, на якім зала таксама будзе запоўненая: у продажы засталося толькі 18 квіткоў. Дарэчы, у 2023-м Асці дала тры аншлагавыя канцэрты запар, якія наведалі 45 тысяч чалавек.
Ганне Асці 34 гады. Яе сапраўднае імя — Ганна Дзюба. Дзяўчына нарадзілася ва ўкраінскіх Чаркасах, правяла там усё дзяцінства. Пераехала ў Маскву ў 2013 годзе, дзе спачатку стала папулярнай дзякуючы дуэту Artik&Asti. З 2021 года Ганна выступае сольна. Спявачка, якая з часам атрымала расійскі пашпарт, ніяк не выказваецца з нагоды расійскага нападу на Украіну, за што яе моцна крытыкуюць на радзіме.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!4
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары
Гэта трэба было апублікаваць пасля навагодніх святаў - для вывядзення шлакаў з арганізма.