Vykazvałasia mierkavańnie, što sieminaryja nie pieražyvie pierarehistracyju relihijnych arhanizacyj u Biełarusi.
Vyšejšaja duchoŭnaja sieminaryja imia śviatoha Tamaša Akvinskaha ŭ Pinsku prypyniła svaju dziejnaść. Aficyjna pra heta nie paviedamlałasia, adnak heta było viadoma ŭ kołach duchavienstva. Ciapier źjaviłasia paćvierdžańnie: u publikacyi Catholic.by ab rekalekcyjach dla biskupaŭ pinskaja sieminaryja, u jakoj prajšli duchoŭnyja praktykavańni, nazvana «byłoj», zaŭvažyŭ katolik.life.
Taksama na sajcie Pinskaj dyjacezii paznačana, što ŭ 2024 hodzie sieminaryja prypyniła dziejnaść.
Vierahodna, heta stała pieršym surjoznym vynikam pracesu pa pierarehistracyi relihijnych abjadnańniaŭ, arhanizavanym biełaruskaj dziaržavaj. Raniej niekatoryja śviatary vykazvali mierkavańnie, što sieminaryja «nie pieražyvie» pierarehistracyju. Pavodle zakanadaŭstva, arhanizacyi, jakija nie mohuć prajści pierarehistracyju, pavinny być likvidavanyja.
U apošni čas nabor studentaŭ u pinskuju sieminaryju nie pravodzili, a jaje pamiaškańni vykarystoŭvali dla praviadzieńnia rekalekcyj dy inšych sustreč.
Hłabalnaj pryčynaj, jakaja pryviała da prypynieńnia dziejnaści sieminaryi, mahła być nievialikaja kolkaść žadajučych stać katalickimi śviatarami. Chacia sioleta abituryjentaŭ było značna bolš, čym u papiarednija hady.
Reformu padrychtoŭki da śviatarstva ŭ Biełarusi abviaścili ŭ 2018 hoda, kali pinskaja sieminaryja straciła status miždyjacezijalnaj.
Takim čynam, ciapier u Biełarusi zastałasia adna katalickaja sieminaryja — Miždyjacezijalnaja vyšejšaja duchoŭnaja sieminaryja ŭ Hrodnie.
Pinskuju sieminaryju zasnavaŭ u 1925 hodzie biskup Zyhmunt Łazinski. Jana dziejničała da 1939 hoda. Paśla padzieńnia SSSR adradžeńnie i novaje adkryćcio sieminaryi adbyłosia ŭ 2001 hodzie, dziakujučy namahańniam kardynała Kazimira Śviontaka.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
"rekalekcyjach .. biskupaŭ .. dyjacezii .. rekalekcyj .. miždyjacezijalnaj" - takija "rodnyja" i zrazumiełyja słovy dla biełarusaŭ, da?