Nikoł Pašynian zajaviŭ pra hatoŭnaść nieadkładna padpisać mirnuju damovu z Azierbajdžanam
Premjer-ministr Armienii Nikoł Pašynian zajaviŭ pra hatoŭnaść nieadkładna padpisać mirnaje pahadnieńnie z Azierbajdžanam, adznačyŭšy, što baki ŭžo ŭzhadnili 80% dakumienta.
«Mir pamiž Armienijaj i Azierbajdžanam nie tolki mahčymy, ale i dasiahalny. Prezident Azierbajdžana i ja šmat razoŭ zajaŭlali, što jak minimum 80% mirnaha pahadnieńnia ŭzhodniena», — skazaŭ Pašynian na 79-j siesii Hienieralnaj Asamblei AAN.
Jon padkreśliŭ, što, kab nie stracić histaryčnuju mahčymaść i paźbiehnuć tupikovaj situacyi, Armienija prapanuje padpisać tyja častki pahadnieńnia, jakija ŭžo ŭzhodnienyja, a pa astatnich pytańniach praciahnuć pieramovy.
«My hatovyja zrabić heta prosta ciapier», — dadaŭ Pašynian.
Premjer-ministr adznačyŭ, što zaklučeńnie miru na asnovie ŭžo zaćvierdžanych pałažeńniaŭ značna palehčyć dalejšaje vyrašeńnie sprečnych pytańniaŭ. Siarod hetych pałažeńniaŭ jon nazvaŭ ustanaŭleńnie dypłamatyčnych adnosin pamiž krainami i stvareńnie sumiesnaj armiana-azierbajdžanskaj kamisii, jakaja budzie kantralavać vykanańnie mirnaha pahadnieńnia.
Pašynian taksama adznačyŭ, što Kanstytucyja Armienii nie źmiaščaje terytaryjalnych pretenzij da Azierbajdžana, i Jerevan hatovy padać piśmovyja dokazy hetaha svaim mižnarodnym partnioram. Akramia taho, armianski premjer paćvierdziŭ hatoŭnaść armianskaha boku adkryć transpartnyja kamunikacyi dla Azierbajdžana i Turcyi, harantujučy biaśpieku pieravozak, transpartu i ludziej na svajoj terytoryi.
Pry hetym armianski premjer abvierh čutki pra toje, što biaśpieku hetych kamunikacyj pavinny zabiaśpiečvać trecija baki, zajaviŭšy, što hetaje abaviazacielstva Armienija voźmie na siabie.
Hetyja zajavy stali mahčymyja paśla taho, jak hod tamu Azierbajdžan siłaj vyrašyŭ šmathadovuju prablemu Nahornaha Karabacha, adnaviŭšy kantrol nad sprečnaj terytoryjaj i ačyściŭšy jaje ad armianskaha nasielnictva. Rasija, na dapamohu jakoj Armienija spadziavałasia, zastałasia padčas hetaha kanfliktu pasiŭnaj. Paśla hetaha armianskija ŭłady pryniali rašeńnie prypynić svoj udzieł u strukturach ADKB i sprabavać uziać kurs na jeŭraintehracyju. Ale dla hetaha važna mieć chaj sabie i zusim nie siabroŭskija, ale prynamsi ŭrehulavanyja adnosiny z Azierbajdžanam i Turcyjaj.
Pašynian: ADKB stvaraje pahrozy dla biaśpieki Armienii
Armienija pačynaje pieramovy ź ES ab libieralizacyi vizavaha režymu
Pašynian zajaviŭ pra zamarozku Armienijaj udziełu ŭ ADKB
Rasija vyjaviła «masavyja parušeńni» ŭ armianskim kańjaku paśla zajaŭ Pašyniana ab vychadzie z ADKB
Navošta Pucin pajechaŭ u Azierbajdžan
Jeŭrasajuz pačynaje pieramovy pra biaźvizavy režym z Armienijaj
MZS Armienii skarystała 3 lipienia, kab jašče raz dapiačy Łukašenku
Sakratar Rady biaśpieki Armienii: Rasija adabrała ŭ nas Nahorny Karabach i addała jaho Azierbajdžanu
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy12
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1111
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?11
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary