Sakratar Rady biaśpieki Armienii: Rasija adabrała ŭ nas Nahorny Karabach i addała jaho Azierbajdžanu
Sakratar Rady biaśpieki Armienii Armen Hryharan zajaviŭ, što da vajny z Azierbajdžanam pryviała ŭ tym liku poŭnaja zaležnaść Jerevana ad Maskvy.
Hryharan vykazaŭ mierkavańnie, što Nahorny Karabach adabrała mienavita Rasija, piša armenpress.am.
«Heta adbyłosia, kali my całkam zaležali ad Rasii. Rasija pryjšła, adabrała ŭ nas Nahorny Karabach, viarnuła jaho Azierbajdžanu, potym syšła, voś i ŭsia realnaść. Ja śćviardžaju, što Rasija zachapiła Nahorny Karabach. Biez dazvołu Rasii vajny b nie było», — rastłumačyŭ sakratar Rady biaśpieki.
Hryharan raspavioŭ, što vajenna-techničnaje supracoŭnictva Armienii i Rasii ŭpała z 96% da mienš za 10%. Jon nazvaŭ hetaje rašeńniem Rasii i abvinavaciŭ Maskvu ŭ zryvach pastavak u 2021-2022 hadach.
Ciapier sakratar Rady biaśpieki ličyć, što šlach da stabilnaści lažyć praz zbaŭleńnie ad zaležnaści ad Maskvy.
«Kali Armienija poŭnaściu zaležała ad Rasii, chiba ŭ nas nie była vajna? Była. Davajcie zafiksujem, što z-za hetaj situacyi my apynulisia ŭ vajnie, my sprabavali hetymi źmienami prynieści stabilnaść i ŭpeŭnienyja, što hetyja źmieny pryviaduć da stabilnaści», — adznačyŭ Hryharan.
Premjer-ministr Armienii Nikoł Pašynian raniej dapuściŭ vychad z ADKB. Jon abvinavaciŭ Biełaruś u płanavańni vajny Azierbajdžana suprać Armienii i zajaviŭ, što bolš nie naviedaje krainu, pakul tam kiruje Łukašenka.
Armienija nie voźmie ŭdziełu ŭ nastupnym pasiadžeńni ADKB
«Vajna pakazała, što na baku Zachadu staić mienšaść. A Armieniju Rasija tak prosta nie pakinie»
Čamu Pašynian staŭ rezka krytykavać Łukašenku?
Pasła Armienii ŭ Biełarusi adklikali ŭ Jerevan dla kansultacyj
Pašynian: Ja nie naviedaju Biełaruś, pakul prezidentam budzie Łukašenka
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja45
Kamientary
1. Hłavnoje słovo zdieś viernuła Azierbajdžanu.
2. Armienija s Azierbajdžanom niepłocho łabyzaliś v diesna i biez Moskvy.