Pra pačatak pieramoŭ ab pierahladzie vizavaha režymu pamiž Armienijaj i Jeŭrasajuzam paviedamiŭ premjer-ministr Armienii Nikoł Pašynian na sustrečy z namieśnikam kiraŭnika Jeŭrakamisii Marharycisam Schinasam.
Nikoł Pašynian. Fota: Johanna Geron, Pool Photo via AP
«Ja rady, što ŭ našych adnosinach jość prykmietnyja źmieny: pačynajucca pieramovy pa libieralizacyi vizavaha režymu, pryniata rašeńnie padtrymać Respubliku Armienija Jeŭrapiejskim fondam miru, što my vysoka cenim», — skazaŭ Pašynian.
Pry hetym jon adznačyŭ, što ŭ Armienii «praciahvajucca dyskusii» ab mahčymaści ŭstupleńnia krainy ŭ Jeŭrasajuz.
«Nieabchodna padyści da hetaj temy padrabiazna i kompleksna. Tut budzie važna prysłuchacca da nazirańniaŭ i paradaŭ našych partnioraŭ ź ES», — dadaŭ palityk.
Kamientary