Razzłavanaja hrupa aktyvistaŭ zaklikała ŭrad razarvać dypłamatyčnyja adnosiny ź Biełaruśsiu z-za śviežych zajavaŭ Łukašenki.
Aktyvisty zakidali pasolstva Biełarusi ŭ Jerevanie jajkami, pamidorami i bulbaj. Akcyju, u jakoj uziali ŭdzieł blizu dziesiaci čałaviek, arhanizavaŭ lidar prajeŭrapiejskaj partyi «Za respubliku», były deputat parłamienta Arman Babadžanian. Udzielniki akcyi skandavali na adras biełaruskich dypłamataŭ «Preč z Armienii!», piša aravot.am.
Takim čynam aktyvisty adreahavali na intervju Alaksandra Łukašenki rasijskamu prapahandystu Jaŭhienu Papovu.
U im palityk, u pryvatnaści, zajaviŭ: «Kamu armianie patrebnyja, akramia nas? Nikomu. Jany nikomu nie patrebnyja. Chaj raźvivajuć svaju ekanomiku i zasiarodziacca na tym, što ŭ ich jość. Jakaja Francyja, jaki Makron? Zaŭtra Makrona nie budzie, i ŭsie zabuduć ab hetaj Armienii».
Babadžanian zaklikaŭ armianski ŭrad adreahavać na hetuju zajavu: razarvać dypłamatyčnyja stasunki ź Minskam i vysłać biełaruskich dypłamataŭ. Jon zajaviŭ, što znachodžańnie pasolstva Biełarusi ŭ Jerevanie pahražaje nacyjanalnaj biaśpiecy Armienii.
Premjer-ministr Armienii Nikoł Pašynian raniej zajaviŭ, što bolš nie pryjedzie ŭ Miensk, pakul va ŭładzie znachodzicca Łukašenka. Jerevan abvinavačvaje Biełaruś u dapamozie Azierbajdžanu ŭ vajnie ŭ Nahornym Karabachu. U červieni Armienija adklikała pasła ŭ Biełarusi dla kansultacyj.
-
U Padmaskoŭi zahinuŭ kiraŭnik kampanii-pastaŭščyka kampazitnych materyjałaŭ dla MS-21 i paranieny budaŭnik kaśmičnaha centra, adkrytaha Pucinym
-
Kibierataka paralizavała pracu aeraportaŭ pa ŭsioj Jeŭropie
-
Saudaŭskaja Aravija ŭ ramkach vajennaha sajuza z Pakistanam moža atrymać dostup da jadziernaj zbroi
Ciapier čytajuć
Jak skłałasia ŭ emihracyi žyćcio 22‑hadovaj «terarystki» Danuty Pieradni, jakuju vyzvalili pa pamiłavańni3
Kamientary
A tak - IBD kak u pročich propahandonskich braťjev po razumu.