Armienija admoviłasia ad udziełu ŭ «Słavianskim bazary» ŭ Viciebsku
Tłumačycca heta spynieńniem adnosin pamiž Jerevanam i Minskam.
U suviazi z zajavaj premjer-ministra Armienii ab spynieńni aficyjnych adnosin pamiž Respublikaj Armienija i Respublikaj Biełaruś, aficyjnaja delehacyja Armienii pryniała rašeńnie nie jechać u Biełaruś i nie ŭdzielničać u štohadovym mižnarodnym konkursie «Słavianski bazar 2024», jaki projdzie ŭ Viciebsku z 8 pa 18 lipienia.
«Usie narody śvietu abjadnanyja adnoj movaj — kulturaj, tamu niemahčyma nie acanić toje, što stvarałasia hadami, a mienavita armiana-biełaruskija kulturnyja suviazi. My ščyra spadziajemsia, što ŭźnikły palityčny chaos budzie vyrašany ŭ najbližejšaj budučyni na asnovie lubovi i salidarnaści i siabroŭskija adnosiny pamiž dvuma narodami nieŭzabavie adnoviacca», — havorycca ŭ zajavie.
Pradstaŭnikami Armienii na konkursie «Słavianski bazar» sioleta pavinny byli być pieramožca šmatlikich konkursaŭ śpiavačka Siuzanna Miełkanian i 9-hadovaja Jana Ściepanian. Kiraŭnik armianskaj delehacyi štohadovaha Mižnarodnaha konkursu» Słavianski bazar», dyrektar Jerevanskaha dziaržaŭnaha kaledža kultury i mastactva imia Šarla Aznavura Urež Kirakasian.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Kamientary