U Čyžoŭskim vadaschoviščy vyłavili 15-kiłahramovaha soma. Rybinu dahaniali na matory
U vadaschoviščy, darečy, chapaje bujnoj ryby, ale jość niuansy.
Na dniach adnamu z rybakoŭ u Čyžoŭskim vadaschoviščy trapiŭsia 15-kiłahramovy som. Onliner.by daviedaŭsia padrabiaznaści.
Minčuk Pavieł Łutaŭ prafiesijna zajmajecca rybałkaj na śpininh. Na Čyžoŭskim vadaschoviščy rybačyć časta, bo vadajom znachodzicca niedaloka ad jaho doma. Sam jon zachaplajecca łoŭlaj sudaka, ale, naturalna, na kručok traplajecca i inšaja ryba.
— Traplalisia mnie tut somiki i pa 3 kiłahramy, i pa 7, i pa 9. Ale hety, mabyć, samy bujny. Pa adčuvańniach jon bolš za 15 kiłahramaŭ: nie ŭzvažvaŭ — šali tady zastalisia ŭ mašynie. Trapiŭsia som na silikonavuju prynadu. Soma pryjšłosia dahaniać na matory. Pakatalisia kłasna: 10-12 chvilin baraćby — i rybka ŭ łodcy, — raspavioŭ Pavieł.
Pa słovach rybaka, u Čyžoŭskim vadaschoviščy chapaje vialikaj ryby: niaredka traplajecca dosyć bujny ščupak, časam — niemaleńki taŭstałobik. Adnak vada niedastatkova čystaja, kab zabirać ułoŭ u ježu. Ale sam Pavieł rybu zvyčajna vypuskaje na lubych vadajomach — jaho cikavić mienavita spartyŭny składnik rybałki.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU2
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu55
Kamientary