Čempijonku śvietu pa biehu ź pieraškodami vyhnali sa školnaha stadyjona ŭ Kałodziščach
Taćciana Piechcierava, jakaja letaś vyjhrała čempijanat śvietu pa biehu ź pieraškodami va ŭzrostavaj katehoryi 35-39 hadoŭ, raskazała pra niepryjemnuju historyju ŭ instahramie.
Kala dvuch hadoŭ spartoŭka kožny aŭtorak i čaćvier biehała na stadyjonie Kaładziščanskaj škoły № 2 padčas svajho abiedziennaha pierapynku. I ni razu nie sutykałasia ź niehatyvam praz svaje treniroŭki.
— Siońnia vyjšła žančyna i skazała, što zhodna z pastanovaj Ministerstva adukacyi na terytoryi škoły padčas navučalnaha pracesu nie pavinna znachodzicca starońnich asob… I vyhnała mianie sa stadyjona.
Taćciana spadziajecca, što ŭ jaje atrymajecca niejak vyrašyć pytańnie i zapisałasia na pryjom da dyrektara Kaładziščanskaj škoły №2.
— Chaču praciahvać biehać na stadyjonie. Ja nie pieraškadžaju nikomu, biehaju tam zaŭsiody adna, ničoha nie łamaju i nie psuju majomaść škoły.
Darečy, niadaŭna Taćciana Piechcierava ŭdzielničała ŭ zdymkach novaha siezona šou BT «Hieroi. Transfarmacyja». Syn Łukašenki Dźmitryj Łukašenka, raspaviadajučy pra prajekt, paabiacaŭ: «Budzie vielmi cikava».
Jaho dačka Darja, jakaja była viadučaj niekalkich siezonaŭ, ciapier nie ŭdzielničaje ŭ šou. Zamiest jaje ŭ kadry buduć televiadučaja Maryja Bahatyr i rasijski dresiroŭščyk Edhard Zapašny.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary