Šturchalnica jadra ź Bielhii ŭziała ŭdzieł u biehu z barjerami, kab zamianić traŭmavanych spartsmienak. Videa ź joju stała virusnym
Bielhijskaja spartsmienka, jakaja zajmajecca šturchańniem jadra i kidańniem dyska i mołata, Žalien Bumkvo była vymušanaja zamianić barjerystku na kamandnym čempijanacie Jeŭropy pa lohkaj atletycy ŭ Polščy.
Dźvie spartsmienki ź Bielhii atrymali traŭmy, i kamanda ryzykavała nie vyjści na start, a ŭ takim vypadku i zastacca biez važnych ačkoŭ u kamandnym zaliku. Bielhija nie mahła dazvolić sabie stracić ački, bo inakš kamanda vylecieła b u nižejšy dyvizijon.
Žalien Bumkvo pahadziłasia «zamianić» barjerystak, kali zrazumieła, što inšych varyjantaŭ niama.
Jolien Boumkwo is a Shot Putter!
Today, she ran the 100mH at the European Team Championships to secure 2 points for Belgium.
Safe to say her 32.81s was a PB. pic.twitter.com/sWNQMyCrLs
«Ja dumała, što imaviernaść taho, što mnie daviadziecca heta zrabić, była vielmi małaja», — skazała Bumkvo, jakaja daviedałasia, što budzie biehać z barjerami za dzień da spabornictvaŭ.
Žalien kaža, što kali vyjšła na startavuju liniju, to starałasia nie dumać pra toje, što adbyvajecca. Jana finišavała z časam 32,81 siekundy — na 19 siekund paźniej za spartsmienku, jakaja zaniała siomaje miesca.
Kadry, na jakich Bumkvo aściarožna pieraadolvaje kožnuju pieraškodu, a inšyja spartsmieny biahuć napieradzie, stali virusnymi ŭ sacyjalnych sietkach.
Bumkvo skazała, što nie niervavałasia z nahody ŭdziełu ŭ spabornictvach.
Jaje metaj było finišavać i nie dapuścić padzieńnia abo traŭmy, kolki b času heta ni zaniało.
«Heta była vydatnaja atmaśfiera. Ja pieraadolvała pieraškodu za pieraškodaj», — padzialiłasia ŭražańniami spartsmienka.
Kali Žalien pierasiekła finišnuju rysu, natoŭp kryčaŭ u znak udziačnaści, jaje taksama vitali inšyja spartsmienki.
«Heta byŭ, badaj, najlepšy moj čempijanat Jeŭropy za ŭsiu historyju», — skazała spartsmienka.
-
Trenier, jaki pryvioŭ kłub da srebra ŭ čempijanacie Biełarusi, budzie treniravać kamandu ź piataha dyvizijona pieršynstva Polščy
-
Forvard minskaha «Dynama» Dyłan Dziube i jašče čatyry chakieisty pryznanyja nievinavatymi pa spravie ab seksualnym hvałcie
-
Hałoŭny trenier «Niomana» vykanaŭ dziŭny taniec paśla pieramohi ŭ matčy Lihi kanfierencyj
Ciapier čytajuć
70-hadovuju žančynu z Homiela pasadzili za kamientary. Heta samaja pažyłaja palitźniavolenaja15
Kamientary