Kaža, što advažycca na apieracyju i znoŭ lehčy pad nož było vielmi składana.
Paralimpijec, praŭładny aktyvist i prychilnik vajny Alaksiej Tałaj niadaŭna apublikavaŭ u sacsietkach fotazdymki z balnicy. Jon pryznaŭsia, što šalona bajaŭsia, ale ž zrabić apieracyju było nieabchodna, kab znoŭ dychać.
Siońnia Tałaj raspavioŭ, što apieracyja adbyłasia ŭ aŭtorak u RNPC otarynałarynhałohii ŭ Minsku.
«Užo daŭno naśpieła apieracyja pa vypraŭleńni pierałamanaha jašče ŭ junactvie pieranośsia i pašyreńni pratokaŭ dla dychańnia… Asabliva ŭ apošni čas padsieŭ mienavita na sasudazvužalnyja preparaty, jakija možna vykarystoŭvać usiaho niekalki tydniaŭ maksimum (potym idzie kałasalnaja škoda zdaroŭju, hałavie), a tam užo išli miesiacy i miesiacy — kab choć dziejničać pa ŭsich spravach i prajektach…», — napisaŭ Alaksiej u svaim telehram-kanale.
Jon raspavioŭ, što apieracyja niaprostaja i davoli balučaja, ale ž čakaje dobrych vynikaŭ i pačatku novaha žyćcia, u jakim možna narmalna dychać.
Zaraz Tałaj usio jašče znachodzicca ŭ balnicy.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1212
Kamientary