«Vyhladaje jak akcyja žyvadzioraŭ»: u roznych rajonach Minska niechta raskidvaje pacučyny jad

Pa słovach Miry, u čaćvier pobač z ŽK «Farforavy» (rajon vulicy Krapotkina) pa darozie ŭ park jana sustreła znajomuju, taksama haspadyniu sabaki. Dziaŭčyna prapanavała razam pajści na śpiecyjalnuju placoŭku dla sabak, ale ŭ adkaz pačuła historyju pra znojdzieny tam pacučyny jad.

— Mianie heta žachnuła! Bo raskidali nie tolki ŭnutry płota, ale i na poli pobač. Tam niedaloka dziciačaja placoŭka, i choć jašče choładna, ale ŭsio roŭna chtości i ź dziećmi moža iści, a jad jarki i pryciahvaje ŭvahu.

Pavialičyć

— Viarnuŭšysia dadomu, ja vyrašyła pahutaryć ź inšymi ŭładalnikami. Vyśvietliła, što ŭžo napisali [zvarot] u administracyju rajona i vyklikali milicyju. Administracyja davoli chutka adreahavała: u toj ža dzień placoŭku apiačatali da taho času, pakul nie pryjedzie śpiecyjalizavanaja słužba, jakaja zrobić ačystku i zrobić jaje znoŭ biaśpiečnaj, — dadała dziaŭčyna.

Pavialičyć

Zajavu ŭ milicyju napisaŭ Jarasłaŭ. Mužčyna raspavioŭ, što pra dziŭnuju znachodku daviedaŭsia z damavoha čata.

— Ja sarvaŭsia z pracy, pryjechaŭ pahladzieć — sapraŭdy lažali hranuły, vielmi padobnyja na pacučyny jad. Ich składana z čymści pierabłytać, da taho ž ryzykavać usio roŭna nie varta. Kab papiaredzić inšych sabačnikaŭ, ja paviesiŭ abjavu. Zatym patelefanavaŭ u milicyju i napisaŭ zajavu.

U pres-słužbie HUUS Minharvykankama žurnalistu Onliner paćvierdzili, što pa fakcie zdareńnia pravodzicca pravierka.

Ale na hetym historyja nie skončyłasia. Mira vyrašyła papiaredzić inšych sabačnikaŭ pra patencyjnuju niebiaśpieku.

— Napisała ŭładalnikam z kłuba, u jaki chodzić na kurs dresiroŭki moj sabaka. Mnie padziakavali za infarmacyju, a adna dziaŭčyna skinuła fota jadu z Umanskaj. Ja paviedamiła i majoj mamie — u jaje taksama jość sabaka. Mama pracuje administrataram u vietklinicy ŭ Malinaŭcy — raskazała, što na pryjom prychodziŭ mužčyna, jaki papiaredziŭ: u akruzie raskidajuć jad.

Čytačka čuła pra padobnyja vypadki ŭ rajonach vulic Alšeŭskaha i Umanskaj (kala HC «Hłoba»), u Malinaŭcy i ŭ Partyzanskim rajonie.

Pavialičyć

Navošta kamuści moža spatrebicca raskidać pa horadzie pacučyny jad? Voś viersija čytački:

— Kaliści daŭno čuła, jak žančyna z doma pobač kryčała ŭ akno niešta nakštałt: «Jak ža vy dastali sa svaimi sabakami, atrucić ich usich!». Chtości z uładalnikaŭ učora kazaŭ, što na dniach zdaryŭsia čarhovy kanflikt. Uličvajučy, što takoje adbyłosia adrazu ŭ niekalkich rajonach, dla mianie vyhladaje jak niejkaja akcyja žyvadzioraŭ, choć ja mahu i pamylacca.

• 4
• 0
• 1
• 0
• 1
• 0
• 5
• 0