Pra svaje spartyŭnyja zachapleńni, jakim pryśviačaje čas u zaležnaści ad ahulnaj zahruzki, kiraŭnik urada raskazaŭ u subotu na kulturna-spartyŭnym fiestyvali «Vytoki» ŭ Hłybokim, piša «Narodnaja Vola».
Raman Hałoŭčanka zajaviŭ, što spartyŭnyja zachapleńni maje ź dziacinstva.
«Pryjšoŭ sa škoły, zakinuŭ raniec i, pakul sonca nie siadzie, źnik na spartyŭnych placoŭkach», ― uspomniŭ premjer.
Ciapier, pavodle Hałoŭčanki, času nie chapaje, ale pa miery mahčymaści jon starajecca padtrymlivać formu ― chadźba, viełasipied, tenis.
Hałoŭčanka dadaŭ, što rehularna zajmacca sportam u jaho nie zaŭsiody jość mahčymaść z-za zahružanaści.
Lepšy vid sportu, na jaho dumku, — heta vychavańnie dziaciej, asabliva maleńkich. «Za imi zaŭsiody treba vielmi šmat biehać», ― rastłumačyŭ Hałoŭčanka.
Dzieci biełaruskaha premjera (u Ramana Hałoŭčanki dźvie dački i starejšy syn) taksama zajmajucca sportam. U starejšaj dački ŭ śpisie spartyŭnych zaniatkaŭ ― tenis i spartyŭnyja tancy, a «małodšaja padciahvajecca, biare prykład sa starejšaj siastry». Pra spartyŭnyja zachapleńni syna-studenta kiraŭnik urada nie ŭdakładniŭ.
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški54
Kamientary
kromie fizkultury...
fizkultura - eto był dla mienia ad
nu. každomu naviernoje svoje...