Rasijskija vajskoŭcy, jakija viarnulisia z vajny suprać Ukrainy, za dva hady zabili bolš za 100 čałaviek
Za dva hady rasijskija vajskoŭcy, jakija viarnulisia z vajny suprać Ukrainy, zabili jak minimum 107 čałaviek. Jašče jak minimum 100 čałaviek u vyniku ich złačynstvaŭ atrymali ciažkija traŭmy, paviedamlaje vydańnie «Viorstka», jakoje praanalizavała źviestki ź ŚMI i sudovyja kartki.
Asoby, jakija viarnulisia z vajny, ździejśnili jak minimum 84 złačynstvy z čałaviečymi achviarami: 55 zabojstvaŭ, u vyniku jakich zahinuli 76 čałaviek, 18 vypadkaŭ naniasieńnia ciažkich cialesnych paškodžańniaŭ, achviarami jakich stali 18 čałaviek, dzieviać parušeńniaŭ PDR, jakija pryviali da śmierci 11 čałaviek.
Taksama viadomyja dva vypadki schileńnia da ŭžyvańnia narkotykaŭ, u vyniku čaho pamierli dvoje niepaŭnaletnich.
Za zabojstvy raniej pamiłavanych źniavolenych, jakija viarnulisia z Ukrainy, prysudžajuć da terminaŭ ad 6 da 11 hadoŭ kałonii, inšych vajskoŭcaŭ — ad 7,5 da 10 hadoŭ. U vypadkach, kali ŭdzielnikaŭ vajny sudzili jašče i pa dadatkovych artykułach, maksimalnyja terminy ŭzrastali da 22 i 20 hadoŭ adpaviedna.
Terminy, jakija pryznačalisia za naniasieńnie ciažkich cialesnych paškodžańniaŭ, što paciahnuli śmierć: ad 5,5 da 10 hadoŭ 8 miesiacaŭ kałonii dla najmitaŭ PVK i ad da 6 da 9,5 hadoŭ — dla astatnich vajskoŭcaŭ.
«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
Asudžany na 14 hadoŭ rasčlaniciel z Čyty viarnuŭsia z vajny va Ukrainie i atrymaŭ čarhovyja 14 hadoŭ za novaje zabojstva
Baćku pres-sakratara RPC zabiŭ recydyvist, jaki z kałonii zavierbavaŭsia na vajnu va Ukrainie. Z frontu jon źbieh
Za ŭdzieł u vajnie z Ukrainaj Pucin pamiłavaŭ sachalinskaha ludajeda
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary