Baćku pres-sakratara RPC zabiŭ recydyvist, jaki z kałonii zavierbavaŭsia na vajnu va Ukrainie. Z frontu jon źbieh
Mužčyna, jaki pryznaŭsia ŭ zabojstvie 90-hadovaha baćki pres-sakratara RPC Uładzimira Lahojdy, byŭ sudzimy niekalki razoŭ i vyzvaliŭsia z kałonii paśla viarboŭki ŭ «Štorm Z». Jon byŭ u vyšuku, bo deziertavaŭ.
Unačy pa padazreńni ŭ zabojstvie zatrymali 25-hadovaha Adama Ščarbakova z Branska. Pavodle danych «Bazy», u 2015 hodzie jon byŭ sudzimy pa artykułach «Zamach na zabojstva» i «Kradziež». U 2018 hodzie jon napaŭ na niepaŭnaletniuju, źbiŭ jaje armaturaj i adabraŭ sumku — za heta jamu dali 9 hadoŭ i 6 miesiacaŭ kałonii strohaha režymu.
Ščarbakoŭ vyzvaliŭsia raniej za termin, bo padpisaŭ kantrakt ź Minabarony. Niekalki miesiacaŭ jon byŭ šturmavikom, a paśla źbieh u Padmaskoŭje. Pavodle jaho słoŭ, jon sustreŭ Ramana Lahojdu, kali šukaŭ hrošy i ježu.
Na dopycie Adam raskazaŭ, što chacieŭ adabrać u Ramana 100 tysiač. Prosta tak Lahojda nie addavaŭ hrošy, tady mužčyna vyrašyŭ adabrać siłaj, pačałasia bojka. Napadnik zarezaŭ pažyłoha mužčynu i skinuŭ jaho cieła ŭ jar.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary