Pad Maskvoj žorstka zabili 90-hadovaha baćku kiraŭnika pres-słužby RPC
Zatrymany ŭžo pryznaŭ svaju vinu.
Trup 90-hadovaha Ramana Lahojdy — baćki žurnalista, kiraŭnika Sinadalnaha adździeła pa ŭzajemaadnosinach RPC z hramadstvam i kiraŭnika pres-słužby patryjarcha Kiryła Uładzimira Lahojdy — z mnostvam kołata-rezanych ran vyjavili ŭviečary 29 śniežnia na ŭzbočynie aŭtamabilnaj darohi ŭ Leninskaj haradskoj akruzie ŭ Maskoŭskaj vobłaści. Krynica RBK kazała, što cieła znajšli ŭ jary.
Mužčyna, jakoha zatrymali pa padazreńni ŭ zabojstvie, pryznaŭ vinu. Pra heta jon zajaviŭ śledčym na dopycie.
«Ja padyšoŭ da jaho [Ramana Lahojdy], kab jon padvioz mianie da inšaj kramy. Jon mianie padvioz, ja spyniŭ jaho na pałovie darohi i pakazaŭ jamu nož. My pačali zmahacca, jon sprabavaŭ vyrvać u mianie nož. I ŭsio. Ja jaho zabiŭ», — raskazaŭ 25-hadovy mužčyna.
Pa danych śledstva, jon napaŭ na Ramana Lahojdu, kab skraści ŭ jaho hrošy, ździejśniŭ zabojstva i potym vykraŭ 100 tysiač rasijskich rubloŭ (prykładna 1100 dalaraŭ), a cieła zahinułaha jon pakinuŭ la ŭzbočyny darohi niedaloka ad sadovaha tavarystva.
Častku skradzienych hrošaj śledčyja znajšli padčas pieratrusu ŭ zdymnaj kvatery padazravanaha.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami24
Kamientary