Litva pradoŭžyła sankcyi suprać hramadzian Biełarusi. Jość taksama novyja vizavyja abmiežavańni
U zakon uviali dadatkovyja abmiežavańni na atrymańnie hramadzianami Biełarusi šenhienskich vizaŭ u zamiežnych konsulskich ustanovach Litvy.
Siejm Litvy pradoŭžyŭ da 2 maja 2025 hoda dziejańnie zakona ab abmiežavalnych zachadach datyčna hramadzian Biełarusi i Rasii za vajennuju ahresiju suprać Ukrainy, piša Radyjo Svaboda.
Deputaty znoŭ abmiarkoŭvali nieabchodnaść abmiežavańnia pajezdak u Biełaruś dla biełarusaŭ, jakija majuć dazvoł na žycharstva ŭ Litvie, ale hetuju inicyjatyvu znoŭ nie padtrymali.
U zakon uviali dadatkovyja abmiežavańni na atrymańnie hramadzianami Biełarusi šenhienskich viz u zamiežnych konsulskich ustanovach Litvy. Ciapier ich buduć vydavać tolki ŭ vypadku, kali pasiarednikam u padačy dakumientaŭ na vizu vystupaje Ministerstva zamiežnych spraŭ Litvy.
U zakonie adznačajecca, što Pamiežnaja słužba budzie aceńvać ryzyku pahrozy dla dziaržavaŭ Šenhienskaha pahadnieńnia z boku hramadzianina Biełarusi, jaki ŭjazdžaje na terytoryju Litvy, i prymaje rašeńnie ab dadatkovaj praviercy druhoj linii. Hetaja norma nie budzie datyčycca členaŭ siamiej hramadzian Litvy i krain ES, čalcoŭ ekipažaŭ i supracoŭnikaŭ kampanij mižnarodnych hruzapasažyrskich pieravozak i marakoŭ; hramadzian, jakija prybyvajuć u Litvu z humanitarnych pryčynaŭ i źjaŭlajucca siamiejnikami takich asobaŭ; datyčna hramadzian, jakija karystajucca imunitetam pavodle Vienskaj kanviencyi abo źjaŭlajucca dypłamatyčnymi abo śpiecyjalizavanymi kurjerami ci supracoŭnikami MZS Biełarusi.
U zakonie prapisana zabarona na ŭvoz u Litvu sielskahaspadarčaj pradukcyi i karmoŭ, krainaj pachodžańnia jakich źjaŭlajecca Rasija abo Biełaruś. Śpisy sielskahaspadarčaj pradukcyi i karmoŭ, zabaronienych da ŭvozu, budzie zaćviardžać urad.
Aproč taho, u zakonie ŭdakładnili, što dazvoł na časovaje žycharstva, vydadzieny hramadzianinu Rasii i Biełarusi, buduć anulavać, kali jany publična padtrymali akcyju, jakuju pryznali złačynnaj ahresijaj AAN ci mižnarodnyja sudy.
Dazvoł na časovaje žycharstva, vydadzieny hramadzianinu Rasii i Biełarusi, buduć anulavać taksama ŭ vypadkach naŭmysnaha, publičnaha i sistematyčnaha raspaŭsiudu łžyvaj infarmacyi na škodu intaresam hramadstva i dziaržavy.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB16
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary