Litva ŭzmocnić miažu ź Biełaruśsiu ciažkimi kulamiotami i supraćtankavymi vožykami
U Siejmie zaklikajuć umacoŭvać miežy chutčej.
Litva płanuje ŭzmacnić miežy ź Biełaruśsiu i Rasijaj. Pra heta ministr abarony Łaŭrynas Kaščunas damoviŭsia z kiraŭnikom MUS Ahnie Biłatajcie.
Ministry zaklikali ŭ samyja karotkija terminy pieradać pamiežnikam ciažkaje ŭzbrajeńnie i vybudavać sistemu ŭmacavańniaŭ. Miarkujecca, što pamiežniki i struktury MUS atrymajuć ciažkija kulamioty.
Kaščunas miarkuje, što nieabchodna pravieści ŭmacavańnie miažy da kanca leta.
«Nieabchodna bolš enierhii dla taho, kab miery kontrmabilnaści zjavilisia ŭ kancy leta — pačatku vosieni. <… > My dumajem pra žalezabietonnych vožykaŭ, «zubach drakona», «ispanskich koniach». <… > Na heta zapłanavanyja hrošy, prosta treba paskoryć pracedury», — cytuje ministra Delfi.
Akramia taho, litoŭskija ŭłady płanujuć stvaryć u krainie sietku ahulnadastupnych strelbiščaŭ. Ministry abarony i ŭnutranych spraŭ taksama abmierkavali ŭmacavańni supracoŭnictva pamiž viedamstvami ŭ pytańni achovy dziaržmiažy.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii21
Kamientary
U Siejmie zaklikajuć umacoŭvać miežy chutčej./
Hałoŭnaje na kalininhradskaj miažy ničoha nie ŭmacoŭvać. Tam siabry žyvuć.
Jaki sens va ŭzmacnieńni miažy kulamiotami i vožykami, kali budzie rakietny abstreł?
Rasieja spakojna moža abstrelvać Letuvu rakietami z terytoryi RF, jak robić heta pa Ukrainie. Kolki tam taho Vilniusa.
Adzinaje - što Rasiei kaniečnie chočacca, kab napad pačaŭsia z našaj terytoryi, kab zamazać Biełaruś jašče i ŭ hetym.