U balnicy byli dastaŭleny bolš za 60 paciarpiełych, vosiem ź ich znachodziacca ŭ krytyčnym stanie.
U vyniku pažaru, jaki achapiŭ papularny bar u Banhkoku ŭ noč na paniadziełak, zahinuli prynamsi 27 čałaviek, piša Bi-bi-si.
Pavodle danych miascovych ŚMI, siarod zahinułych — dzieviać mužčyn i 18 žančyn. U balnicy byli dastaŭleny bolš za 60 paciarpiełych, vosiem ź ich znachodziacca ŭ krytyčnym stanie.
Paviedamlajecca taksama, što niekatoryja ludzi ličacca źnikłymi bieź viestak.
Jak paviedamiŭ žurnalistam premjer-ministr karaleŭstva Anutchin Čanvirakun, pryčyna ŭzharańnia vyśviatlajecca.
Na kadrach ź miesca zdareńnia vidać, jak ludzi vybiahajuć z achoplenaha ahniom budynka; niekatoryja ź ich kryčać, častka ludziej padaje.
Paviedamlajecca, što pažarnym udałosia ŭziać ahoń pad kantrol za paŭhadziny.
Kiraŭnik urada raskazaŭ, što pahavaryŭ z muzykantam, jaki znachodziŭsia na scenie ŭ momant pačatku pažaru.
«Jon skazaŭ, što ŭzharańnie pačałosia ŭ rajonie elektryčnaha ščytka, a paśla hetaha ŭsio adbyłosia vielmi chutka. Uspychnuŭ ahoń, i ŭsie sprabavali vybiehčy, — skazaŭ Čanvirakun. — Mnohija nie zmahli hetaha zrabić, bo znachodzilisia ŭ zadniaj častcy pamiaškańnia. Jany pasprabavali schavacca ad ahniu i dymu ŭ prybiralni, i mienavita tam my znajšli bolšaść ciełaŭ».
Bar raźmieščany ŭ rajonie Čatučak na poŭnačy stalicy Tajłanda.
Miarkujučy pa kadrach ź miesca zdareńnia, paśla tušeńnia pažaru kala bara byli bačnyja miaški dla ciełaŭ zahinułych.
Unutry budynka zastalisia całkam vyharałyja ścieny i mebla, častka stoli abrynułasia.
Hubiernatar Banhkoka Čadčart Sittypunt pabyvaŭ na miescy zdareńnia i zajaviŭ, što chutkamu raspaŭsiudžvańniu pažaru spryjali lohkaŭzharalnyja elemienty interjeru bara.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary