Biełaruś nie atrymlivała ad Polščy infarmacyi pra zatrymańnie biełarusa pa spravie napadu na Vołkava — MZS
Pra heta paviedamiŭ pres-sakratar biełaruskaha źniešniepalityčnaha viedamstva Anatol Hłaz praź dzień paśla hučnych zajaŭ u Litvie i Polščy.
Ministerstva zamiežnych spraŭ. Fota: Wikimedia Commons
«My nie atrymlivali nijakich aficyjnych apaviaščeńniaŭ ad polskaha boku na hety kont. Farmalna, akramia niejkich publičnych vykazvańniaŭ polskaha kiraŭnictva, jakim možna vieryć — možna nie vieryć, nam pra heta ničoha nieviadoma», — skazaŭ jon.
Na paplečnika Alaksieja Navalnaha, eks-kiraŭnika Fonda baraćby z karupcyjaj Leanida Vołkava napali ŭ Vilni 12 sakavika. Złamyśnik raźbiŭ akno ŭ mašynie, raspyliŭ ślozaciečny haz i pačaŭ źbivać rasijskaha palityka małatkom. U Vołkava była złamanaja ruka.
Napiaredadni stała viadoma pra zatrymańnie dvuch padazravanych u Polščy. U pres-relizie centralnaha śledčaha ŭpraŭleńnia palicyi Polščy nie raskryvałasia hramadzianstva zatrymanych i nie paviedamlałasia pra zatrymańnie hramadzianina Biełarusi.
Prakuratura Litvy zajaviła, što dvoje hramadzian Polščy byli zatrymanyja ŭ Varšavie 3 krasavika. Dasudovaje rasśledavańnie dla vyśviatleńnia ŭsich datyčnych da incydentu asob praciahvajecca.
Premjer-ministr Polščy Donald Tusk zajaviŭ, što za napadam na Vołkava staić hramadzianin Biełarusi, jaki zakazaŭ napad dvum hramadzianam Polščy. Pavodle jaho, jon zatrymany.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3
Kamientary