Dva čałavieki, zatrymanyja ŭ Polščy za napad na rasijskaha apazicyjaniera Leanida Vołkava, zjaŭlajucca hramadzianami Polščy. Palityčnaja dziejnaść i pohlady Vołkava ličacca adnym z matyvaŭ napadu, piša LRT.
«Zatrymanyja dva čałavieki, padazravanyja ŭ naniasieńni cialesnych paškodžańniaŭ Vołkavu. Jany byli zatrymanyja 3 krasavika ŭ Varšavie. Heta dva hramadzianiny Polščy. Ciapier jany znachodziacca ŭ Polščy i pryznanyja padazravanymi», — skazaŭ Justas Łaŭčus, hałoŭny prakuror Vilenskaj rehijanalnaj prakuratury.
Prakuror nie staŭ kamientavać, kim zjaŭlajucca hetyja ludzi, i nie staŭ udakładniać, ci moh napad być palityčna matyvavanym, ale heta moža być adnoj z asnoŭnych viersij.
«U ciapierašni čas razhladajucca ŭsie mahčymyja viersii złačynstva. Na hetym etapie rasśledavańnia jość padstavy mierkavać, što achviara paciarpieła praz svaju palityčnuju dziejnaść, a taksama praz svaje pohlady», — skazaŭ Łaŭčus.
Padazravanyja mohuć być dastaŭleny ŭ Litvu ŭ mai, ale pakul jany znachodziacca ŭ Polščy.
Pa słovach namieśnika načalnika Biuro kryminalnaj palicyi Litvy, zatrymanyja, jak miarkujecca, prymali niepasredny ŭdzieł u napadzie. Apieracyja pa zatrymańni padazravanych była arhanizavana takim čynam, što padazravanyja nie zmahli akazać supracivu.
«Padazrajecca, što niepasrednymi vykanaŭcami hetaha napadu byli hramadzianie Polščy. Było praviedziena piać pieratrusaŭ i sabranyja dokazy», — skazaŭ Saŭlus Bryhinas, namieśnik načalnika Biuro kryminalnaj palicyi Litvy.
Prezident Litvy Hitanas Naŭsieda paviedamiŭ 19 krasavika, što ŭ Polščy zatrymany dva čałavieki, jakija padazrajucca ŭ źbićci rasijskaha apazicyjaniera Leanida Vołkava.
Na paplečnika Navalnaha napali ŭ Vilni 12 sakavika. Jamu raźbili małatkom akno ŭ mašynie i raspylili ŭ vočy ślozatačyvy haz, paśla čaho napadnik staŭ bić Vołkava małatkom.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary