«Heta taki typovy bandycki pryviet ad Pucina». U Leanida Vołkava dyjahnastavali pierałom ruki paśla taho, jak na jaho napali ŭ Vilni
Unačy paplečnik Alaksieja Navalnaha viarnuŭsia sa špitala dadomu paśla taho, jak na jaho napali kala jaho doma ŭ stalicy Litvy.
Vołkaŭ apublikavaŭ u svaim telehram-kanale videa, u jakim raskazaŭ ab napadzieńni i padziakavaŭ za padtrymku, piša «Novaja hazieta Jeŭropa»
«Čałaviek prosta kala doma, u dvary napaŭ na mianie, razoŭ 15 udaryŭ pa nazie. Naha pry hetym čamuści zastałasia cełaja, chadzić baluča, ale, kažuć, što pierałomu niama. Złamaŭ zatoje ruku», — raspavioŭ Vołkaŭ.
«Heta taki vidavočny typovy bandycki pryviet ad Pucina bandyckaha Pieciarburha. Uładzimir Uładzimiravič, tabie taksama pryvitańnie».
Žonka Vołkava Hanna Birukova napisała ŭ tvitary, što pakul palityk nie moža chadzić: «Vybirać — biehčy da muža, na jakoha napali ci nie pakidać adnych dziaciej — ahidna, nikomu nie pažadaju».
Ultrapravy błohier Uładzisłaŭ Paźniakoŭ u svaim telehram-kanale zajaviŭ, što na Vołkava nibyta napali jaho padpisčyki. Eks-lidar pryznanaha ekstremisckim u Rasii ruchu «Mužčynskaja dziaržava» śćviardžaje, što palityka vyličyli pa numary jaho aŭtamabila. Taksama Paźniakoŭ apublikavaŭ fota Vołkava ŭ aeraporcie Vilni. Kali jano było zroblena — nieviadoma.
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»7
Kamientary