U Biełarusi admianili kancerty Manižy paśla jaje kamientara pra «Krokus»
Zatrymańnie mierkavanych terarystaŭ-ziemlakoŭ jana nazvała «publičnym katavańniem».
Rasijskuju śpiavačku tadžykskaha pachodžańnia Manižu pazbavili vialikaj sceny, fiestyvalaŭ i stadyjonaŭ paśla spačuvańnia terarystam z «Krokusa». Artystka paskardziłasia, što, aproč Rasii, admovy iduć ź Biełarusi i Kazachstana, piša Mash.
Chvala chiejtu na śpiavačku abrynułasia z-za dopisa ŭ instahramie. U tekście zatrymańnie mierkavanych terarystaŭ z «Krokusa», jakija źjaŭlajucca pieravažna tadžykami, jana nazvała «publičnym katavańniem».
Pavodle jaje, paśla hetaha padklučyŭsia rasijski SK, hramadskija dziejačy, śledam — arhanizatary mierapryjemstvaŭ. Usio vialikija kancerty admianili, zapeŭnivaje artystka.
Pavodle jaje, zastalisia tolki karparatyvy. Adzin kaštuje 1,5 miljona rasijskich rubloŭ (kala 16 tysiač dalaraŭ).
U chodzie teraktu na kancercie ŭ «Krokus Sici Chole» ŭ Krasnahorsku pad Maskvoj 22 sakavika zahinuli i pamierli ad ran nie mienš za 145 čałaviek.
Na nastupny dzień mierkavanyja terarysty byli zatrymanyja. Jany byli mocna źbityja, u adnaho była adrezana častka vucha, druhi nastolki źbity, što ŭ sud jaho dastavili ŭ kreśle-katałcy.
Kali źjavilisia kadry zatrymanych, pravaabaroncy taksama nazvali heta «demanstratyŭnymi katavańniami» i «mietadam zapałochvańnia ludziej». U niekatorych abvinavačanych u terakcie ŭ padmaskoŭnym «Krokusie» byli raspuchłyja i ŭ siniakach tvary, u adnaho ź ich — adrezanaje vucha i vybitaje voka.
Maniža (Maniža Chamrajeva-Sanhin) naradziłasia ŭ Dušanbe ŭ 1991 hodzie. U 1994-m siamja padčas vajennych dziejańniaŭ u Tadžykistanie pierajechała ŭ Maskvu. U 2021 hodzie Maniža brała ŭdzieł u «Jeŭrabačańni» ŭ Raterdamie ad Rasii, dzie zaniała 9-je miesca.
Padazravany pa spravie «Krokusa», jaki źbieh ad FSB — syn adstaŭnoha padpałkoŭnika stratehičnych jadziernych sił Rasii
U terarystaŭ, što napali na «Krokus Sici Choł», byli ŭ telefonie fota ŭkrainskich vajskoŭcaŭ — SK RF
ZŠA papiaredžvali Rasiju ab terarystyčnym napadzie mienavita ŭ «Krokusie» — The Washington Post
Patrušaŭ: Ślady teraktu ŭ «Krokusie» viaduć da śpiecsłužbaŭ Ukrainy
Pa danosie čat-ruletčyka z Rasii jašče dvuch biełarusaŭ zatrymali za kamientary pra «Krokus». Adnaho ź ich mocna źbili
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary