Padazravany pa spravie «Krokusa», jaki źbieh ad FSB — syn adstaŭnoha padpałkoŭnika stratehičnych jadziernych sił Rasii
Adstaŭny pałkoŭnik raspavioŭ, jak pavodziŭ siabie syn paśla teraktu ŭ «Krokusie».
Kanał VČK-OHPU znajšoŭ baćku adnaho z padazravanych pa spravie teraktu ŭ kancertnaj zale «Krokus». Im akazaŭsia padpałkoŭnik u adstaŭcy Siarhiej Surnoŭ, jaki 20 hadoŭ prasłužyŭ u rakietnych vojskach stratehičnaha pryznačeńnia Rasijskaj Fiederacyi, jakija hrajuć asnoŭnuju rolu ŭ rasijskich jadziernych stratehičnych siłach.
Były padpałkoŭnik padčas telefonnaj razmovy z kanałam zajaviŭ, što jaho syn Mikałaj Surnoŭ, jaki zdoleŭ źbiehčy ad FSB i schavacca ŭ lesie, «nie maje nijakich palityčnych pohladaŭ».
«Dy jakija ŭ jaho palityčnyja pohlady, jon usio žyćcio mašyny ramantavaŭ i adukacyi sapraŭdnaj nie atrymaŭ. Vajskovuju słužbu taksama nie prachodziŭ.
Apošni raz bačyŭ jaho, napeŭna, tydni dva tamu (kali ličyć ad dnia publikacyi zapisu razmovy, to apošniaja sustreča Siarhieja i Mikałaja Surnovych adbyłasia praź niekalki dzion paśla teraktu. — «NN»), toj mimachodź zaskočyŭ u hości na chvilin 15. Pytaŭsia, kudy jon śpiašajecca, jon adkazaŭ, što ŭ jaho jość spravy i jamu treba biehčy», — raskazaŭ adstaŭny padpałkoŭnik Siarhiej Surnoŭ.
Były vajskoviec dadaŭ, što jaho syn pryjechaŭ i zatym źjechaŭ ad jaho na biełaj mašynie (pa infarmacyi rasijskich siłavikoŭ, padazravany Mikałaj Surnoŭ uciakaŭ ad FSB mienavita na biełaj mašynie).
Sam Surnoŭ-małodšy pa apošnich źviestkach usio jašče na voli i moža mieć pry siabie zbroju. Mužčynu, jakoha padazrajuć u datyčnaści da teraktu ŭ «Krokus Sici Chole», pieraśledavali dźvie mašyny FSB, ale toj padčas pahoni rezka zdaŭ nazad i vyskačyŭ sa svajoj mašyny, a zatym schavaŭsia ŭ lesie. Žychary rajona, dzie adbyłasia pahonia, čuli pierastrełku.
U toj ža čas prakramloŭski partał «Maskoŭski kamsamolec» śćviardžaje, što padazravanamu Mikałaju Surnovu 47 hadoŭ i jon uvieś čas žyvie ź siamjoj u Litvie, pieryjadyčna viartajučysia ŭ Rasiju.
Pa danosie čat-ruletčyka z Rasii jašče dvuch biełarusaŭ zatrymali za kamientary pra «Krokus». Adnaho ź ich mocna źbili
U maskoŭskim adździele palicyi pamior uradženiec Čačni, jakoha zatrymali paśla terakta ŭ «Krokusie»
U terakcie ŭ «Krokusie» zahinuŭ pałkoŭnik śpiecnazu HRU rasijskaj armii — tolki pryjechaŭ z Ukrainy
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary