Sieviaryniec raskazaŭ, jak administracyja kałonii «vinšavała» jaho z dniom narodzin i dumała padkałoć jak viernika
Z maich pieršych 10 sutak u ŠIZA ŭ Škłovie administracyja zrabiła šou, — napisaŭ Pavieł u svaim fejsbuku.
Niekalki miesiacaŭ ŠIZA nie davali — bo mianie pryvieźli paśla strašnaj śmierci tam Vitolda Ašurka. Načalstva samo było pryhałomšanaje šumam i abureńniem, peŭny čas nie lutavali. Da taho ž da mianie čas ad času chadziŭ advakat, rodnyja na voli nie maŭčali — i jany śpiarša pabojvalisia bracca rezka.
Kaniečnie, prydumali paru dziasiatkaŭ parušeńniaŭ, zrabili «złośnikam» (atavarka nie na 5 bazavych, a na 2), zabrali spatkańni, pieradačy (u kałonii heta nazyvajecca «obiezžiriť»)… Ale žorny ž kruciacca, mieluć, zahady iduć — pryjšoŭ čas i na mianie.
Nahodu vybrali sumyśla śmiešnuju — nie pavitaŭsia z supracoŭnikam administracyi. Ale było jasna, što heta prosta nahoda.
Na kamisii pakarańnia načalnik začytaŭ z mabiłki dopis «Svabody» pra toje, što ŭ Škłoŭskaj kałonii siadzić palityk Pavieł Sieviaryniec.
— Miešajetie nam rabotať, Sievieriniec. 10 sutok ŠIZO.
Jak i maje być u takich vypadkach, załomvajuć ruki — i vyvodziać u kalidor. A tam, ludcy ž maje, čałaviek piatnaccać u formie — i jak, znajecie, raptoŭnaje vinšavańnie z dniom narodzinaŭ, taki ŭchvalny huł i vopleski, naturalnyja vopleski!
— Ooo! Sievieriniec! Ruki vyšie! Davaj! Pašoooł!!!
«Ruki vyšie» — značyć, załomvajuć tak, što iłbom kranaješ doł. Zavaročvajuć u kabiniet režymki.
— Na poł! Ruki za śpinu! Ležať!!!
Kali tabie dali sutki — usio, supracoŭnikam možna adryvacca «pa poŭnaj».
Lažyš, kaŭtaješ sutarhavymi ŭdychami pył i piasok, serca kałocicca, dychańnia nie chapaje, vakoł pa padłozie brochajuć boty.
— Nohi širie! Ležať, skazaał!
Zajduć, padabjuć nohi, kab šyrej, palubujucca. Pryhažość.
Pajechali, dumaju, chłopiec. Šoŭ mast hoŭ on.
A ŭ ŠIZA zaviali ŭ 20‑iu kamieru (jana skraźniakovaja, nasuprać dvorykaŭ, uzimku samaje toje) — i papiaredzili:
— Dokład budieš diełať, čto v 13‑j kamierie. Poniał?
Heta ž takaja śviadomaść u tavaryšaŭ — Sieviaryniec jon ža typu vierujuščy. Značyt, jeśli 13‑ia kamiera, jemu och kak strašna dałžno być. Ty poniaŭ? Kak čotka prydumana, a?!
I voś mienavita ŭ hety momant mianie adpuściła.
Kamientary
I spadzieŭ byŭ, što Pavał vyjdzi i skaža....
Naiŭnyja ludzi, my biełarusy...
Zabojstva Vitolda Ašurka - adno z samych podłych złačynstvaŭ łukašenkaŭskaha HUŁAHu.
I ŭžo budzie 5 hadoŭ 21 traŭnia...
I stukačy, a časam, i byłyja łukašysty, jakija ratavalisia z zaścienkaŭ lubym koštam, ale ciapier dziejačy, a to ŭžo vybilisia i ŭ kiraŭniki novaj apazicyi, to buduć niešta svajo i na karyść siabie kazać na akcyjach u Dzień Palitviaźnia. Dzieści jašče prarviecca i chtości z tych dla kaho Vitold heta nie prosta abstraktnyja "pravilnyja" słovy. Pry raniejšym panavańni absalutnaha zła - niezakonnaj ułady ŭ Biełarusi i tatalnych represijaŭ dy sistemnych katavańniaŭ palitviaźniaŭ...
Złačyncy nia tolki nie pakaranyja, ale nie viadoma ci budzie jašče mahčymaść ich sudzić...
Śvietłaja Pamiać Vitolda!
Prabač ty nas, hrešnych, jakija bajacca ciapier navat kazać praŭdu i damahacca spraviadlivaści.