Tramp: My atrymali ad Irana prapanovu z 10 punktaŭ i ličym, što jana źjaŭlajecca prymalnaj asnovaj dla pieramoŭ
Prezident ZŠA prakamientavaŭ, što ZŠA i Iran damovilisia ab pieramirji.
«Zychodziačy z razmoŭ z premjer-ministram Pakistana Šachbazam Šaryfam i fieldmaršałam Asyłam Muniram, u jakich jany prasili mianie ŭstrymacca ad nakiravańnia razburalnych sił u Iran siońnia ŭviečary, i pry ŭmovie zhody Isłamskaj Respubliki Iran na POŬNAJE, NIEADKŁADNAJE i BIAŚPIEČNAJE ADKRYĆCIO Armuzskaha praliva, ja zhadžajusia prypynić bambardziroŭki i ataki na Iran terminam na dva tydni. Heta budzie dvuchbakovaje spynieńnie ahniu!
Pryčyna ŭ tym, što my ŭžo dasiahnuli i navat pieravykanali ŭsie vajennyja zadačy i vielmi daloka prasunulisia ŭ dasiahnieńni kančatkovaha pahadnieńnia adnosna doŭhaterminovaha miru ź Iranam i miru na Blizkim Uschodzie.
My atrymali ad Irana prapanovu z 10 punktaŭ i ličym, što jana źjaŭlajecca prymalnaj asnovaj dla pieramoŭ. Złučanyja Štaty i Iran uzhadnili amal usie punkty, jakija raniej vyklikali roznahałośsi, ale dvuchtydniovy termin dazvolić kančatkova ŭzhadnić Pahadnieńnie. Ad imia Złučanych Štataŭ Amieryki, jak prezident, a taksama ad imia krain Blizkaha Uschodu, dla mianie vialiki honar, što hetaja doŭhaterminovaja prablema blizkaja da vyrašeńnia», — napisaŭ prezident ZŠA.
10 patrabavańniaŭ Irana, jakija pieradazienyja Trampu:
— abaviazacielstva ab nienapadzie;
— zachavańnie kantrolu Irana nad Armuzskim pralivam;
— zhoda na ŭzbahačeńnie ŭranu;
— admiena ŭsich pieršasnych sankcyj;
— admiena ŭsich druhasnych sankcyj;
— spynieńnie dziejańnia ŭsich rezalucyj Rady biaśpieki AAN;
— spynieńnie dziejańnia ŭsich rezalucyj Rady kiraŭnikoŭ MAHATE;
— vypłata kampiensacyi Iranu;
— vyvad amierykanskich bajavych sił z rehijona;
— spynieńnie vajny na ŭsich frantach, uklučajučy vajnu suprać «Chiezbały» ŭ Livanie.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary