Трамп: Мы атрымалі ад Ірана прапанову з 10 пунктаў і лічым, што яна з’яўляецца прымальнай асновай для перамоў
Прэзідэнт ЗША пракаментаваў, што ЗША і Іран дамовіліся аб перамір'і.
«Зыходзячы з размоў з прэм’ер-міністрам Пакістана Шахбазам Шарыфам і фельдмаршалам Асылам Мунірам, у якіх яны прасілі мяне ўстрымацца ад накіравання разбуральных сіл у Іран сёння ўвечары, і пры ўмове згоды Ісламскай Рэспублікі Іран на ПОЎНАЕ, НЕАДКЛАДНАЕ і БЯСПЕЧНАЕ АДКРЫЦЦЁ Армузскага праліва, я згаджаюся прыпыніць бамбардзіроўкі і атакі на Іран тэрмінам на два тыдні. Гэта будзе двухбаковае спыненне агню!
Прычына ў тым, што мы ўжо дасягнулі і нават перавыканалі ўсе ваенныя задачы і вельмі далёка прасунуліся ў дасягненні канчатковага пагаднення адносна доўгатэрміновага міру з Іранам і міру на Блізкім Усходзе.
Мы атрымалі ад Ірана прапанову з 10 пунктаў і лічым, што яна з’яўляецца прымальнай асновай для перамоў. Злучаныя Штаты і Іран узгаднілі амаль усе пункты, якія раней выклікалі рознагалоссі, але двухтыднёвы тэрмін дазволіць канчаткова ўзгадніць Пагадненне. Ад імя Злучаных Штатаў Амерыкі, як прэзідэнт, а таксама ад імя краін Блізкага Усходу, для мяне вялікі гонар, што гэтая доўгатэрміновая праблема блізкая да вырашэння», — напісаў прэзідэнт ЗША.
10 патрабаванняў Ірана, якія перадазеныя Трампу:
— абавязацельства аб ненападзе;
— захаванне кантролю Ірана над Армузскім пралівам;
— згода на ўзбагачэнне ўрану;
— адмена ўсіх першасных санкцый;
— адмена ўсіх другасных санкцый;
— спыненне дзеяння ўсіх рэзалюцый Рады бяспекі ААН;
— спыненне дзеяння ўсіх рэзалюцый Рады кіраўнікоў МАГАТЭ;
— выплата кампенсацыі Ірану;
— вывад амерыканскіх баявых сіл з рэгіёна;
— спыненне вайны на ўсіх франтах, уключаючы вайну супраць «Хезбалы» ў Ліване.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары