ЗША, Іран і Ізраіль дамовіліся аб прыпыненні агню на два тыдні. Перамовы пройдуць у Ісламабадзе
Першы раўнд прамых перамоў паміж ЗША і Іранам запланаваны на 10 красавіка.
Трамп заявіў, што пагадзіўся прыпыніць бамбардзіроўкі Ірана на два тыдні пры ўмове неадкладнага адкрыцця Армузскага праліва з боку Тэгерана.
Перамовы ЗША і Ірана пройдуць у Ісламабадзе — сталіцы Пакістана. Пра гэта паведаміла Вышэйшая рада нацыянальнай бяспекі Ірана.
Як паведамляе агенцтва Tasnim, сярод пунктаў прапанаванага Тэгеранам мірнага пагаднення — гарантыі ненападу з боку ЗША, захаванне кантролю Ірана над Армузскім пралівам, згода на ўзбагачэнне ўрану, адмена ўсіх асноўных і другасных санкцый, а таксама выплата кампенсацыі Ірану. Акрамя таго, Іран пагадзіўся на прапанаванае Пакістанам двухтыднёвае спыненне агню.
Пасля дыпламатычных намаганняў Пакістана і ўмяшання Кітая — ключавога саюзніка, які ў апошні момант заклікаў Тэгеран праявіць гнуткасць і знізіць напружанасць — Іран пагадзіўся на двухтыднёвае перамір’е.
Паводле іх слоў, рашэнне было прынята на фоне ўзрастаючых асцярог з-за эканамічных наступстваў і шкоды крытычнай інфраструктуры.
Спыненне агню ўхваліў новы вярхоўны лідар — аятала Моджтаба Хаменеі.
Пры гэтым застаецца невядомым, ці гатовы Тэгеран неадкладна адкрыць Армузскі праліў.
CNN паведамляе, што да двухтыднёвага перамір’я далучыўся і Ізраіль. Паводле высокапастаўленага прадстаўніка Белага дома, Ізраіль пагадзіўся прыпыніць бамбардзіроўкі на час перамоў.
Іранскія СМІ, у сваю чаргу, заяўляюць пра «гістарычную і бясспрэчную паразу» ЗША. У заяве Рады нацыянальнай бяспекі Ірана сцвярджаецца, што ЗША «больш за месяц малілі спыніць разбуральны агонь Ірана».
Паводле Tasnim, ЗША прынялі прапанаваныя пункты як аснову для перамоў. Пра гэта таксама казаў Дональд Трамп.
Ізраіль пацвердзіў спыненне баявых дзеянняў супраць «Хезбалы» ў Ліване. Спыненне агню паміж ЗША, Ізраілем, Іранам, а таксама Ліванам павінна ўступіць у сілу ў найбліжэйшы час, заявіў прэм’ер-міністр Пакістана Шахбаз Шарыф.
Пры выратаванні пілота ў Іране ЦРУ выкарыстала сакрэтны інструмент «Прывідны шэпт». Ён ловіць самыя слабыя сігналы чалавечага арганізма
Іран спыніў прамыя перамовы з ЗША пасля рэзкіх заяў Трампа
Трамп: Сёння ўначы загіне цэлая цывілізацыя
На востраве Харк прагрымелі выбухі
У Іране заклікалі студэнтаў і школьнікаў выходзіць у жывыя ланцугі вакол электрастанцый
Маджтаба Хаменеі па-ранейшаму ў цяжкім стане і без прытомнасці — The Times
Каментары
Если верить их корреспонденту из Белого Дома, то, перемирие на 2 недели, заключено на условиях Ирана.