Іран спыніў перамовы з ЗША пасля рэзкіх заяў Дональда Трампа, які прыгразіў знішчыць «іранскую цывілізацыю». Паводле інфармацыі The New York Times, Тэгеран праз Пакістан як пасярэдніка перадаў, што больш не будзе абмяркоўваць пытанне спынення агню.
Пры гэтым удакладняецца, што Іран разарваў менавіта прамыя кантакты з ЗША, але працягвае перамовы праз пасярэднікаў. Тым не менш, такі крок ускладняе дасягненне дамоўленасцяў.
Іранскія прадстаўнікі заяўляюць, што не будуць ісці на кампрамісы, пакуль Вашынгтон патрабуе ад іх фактычнай капітуляцыі. Гэта разглядаецца як сігнал пратэсту і непадпарадкавання з боку Тэгерана.
Таксама паведамляецца, што Іран перадаў праз Катар папярэджанне: у выпадку ўдараў ЗША па энергетычнай інфраструктуры могуць наступіць сур’ёзныя наступствы для ўсяго рэгіёна. У прыватнасці, гаворыцца пра магчымыя атакі ў адказ, якія могуць пакінуць без электрычнасці шэраг краін, уключаючы Саудаўскую Аравію, а таксама пра рызыку блакавання яшчэ аднаго важнага марскога шляху — Баб-эль-Мандэбскага праліва, які закрывае доступ да Чырвонага мора.
Нягледзячы на жорсткія публічныя заявы, паводле некаторых крыніц, за кулісамі ўсё ж назіраўся пэўны прагрэс у перамовах.
Акрамя іншага, Іран абвінаваціў Трампа ў намеры здзейсніць ваенныя злачынствы. Унутры краіны людзі выходзяць на акцыі, утвараючы «жывыя ланцугі» вакол важных аб’ектаў, каб падкрэсліць, што ўдары па энергетычнай інфраструктуры недапушчальныя.
Трамп: Сёння ўначы загіне цэлая цывілізацыя
На востраве Харк прагрымелі выбухі
У Іране заклікалі студэнтаў і школьнікаў выходзіць у жывыя ланцугі вакол электрастанцый
Маджтаба Хаменеі па-ранейшаму ў цяжкім стане і без прытомнасці — The Times
Трамп можа адкласці ўдары па цывільнай і энергетычнай інфраструктуры Ірана ў апошнюю хвіліну
Трамп назваў новы дэдлайн ультыматыму Тэгерану, «інакш Іран ператворыцца ў каменны век»
Цяпер чытаюць
Анжаліцы Мельнікавай выдалі пашпарт прыкрыцця на імя Ангеліны Радзівонавай?5
Каментары