Płan dvuchtydniovaha spynieńnia ahniu praduhledžvaje prava Irana i Amana spahaniać płatu z sudnaŭ, jakija prachodziać tranzitam praz Armuzski praliŭ. Pra heta paviedamlaje Associated Press sa spasyłkaj na krynicu.
Iran nakiruje sabranyja srodki na adnaŭleńnie. Na što Aman patracić atrymanyja hrošy — pakul nieviadoma.
Praliŭ znachodzicca ŭ terytaryjalnych vodach jak Amana, tak i Irana. Raniej mižnarodnaja supolnaść ličyła hety prachod mižnarodnym vodnym šlacham i nikoli nie płaciła pošliny.
Kiraŭnik MZS Irana Abas Arahčy raskazaŭ pra terminy adnaŭleńnia sudnachodstva ŭ Armuzskim pralivie:
«Ad imia Isłamskaj Respubliki Iran ja vykazvaju ŭdziačnaść i pryznańnie maim darahim bratam, premjer-ministru Pakistana, za ich niastomnyja namahańni dla spynieńnia vajny ŭ rehijonie.
U adkaz na braterskuju prośbu premjer-ministra Šaryfa, vykazanuju ŭ jaho Twitter, i z ulikam prośby ZŠA ab praviadzieńni pieramoŭ na asnovie ich prapanovy z 15 punktaŭ, a taksama zajavy prezidenta ab pryniaćci ahulnych ramak iranskaj prapanovy z 10 punktaŭ u jakaści asnovy dla pieramoŭ, ja ad imia Vyšejšaha savieta nacyjanalnaj biaśpieki Irana zajaŭlaju:
Kali napady na Iran buduć spynieny, našy mahutnyja Uzbrojenyja siły spyniać svaje abarončyja apieracyi. Na praciahu dvuch tydniaŭ biaśpiečny prachod praz Armuzski praliŭ stanie mahčymym dziakujučy kaardynacyi z Uzbrojenymi siłami Irana i z naležnym ulikam techničnych abmiežavańniaŭ.
Armuzski praliŭ — adziny vychad dla ekspartu nafty z krain Piersidskaha zaliva; praź jaho pieravozicca da traciny zvadkavanaha pryrodnaha hazu i amal čverć nafty, što spažyvajecca ŭ śviecie.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY14
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Pamiatajcie pra ŭdziačnaść.