Kala Jehipta na fonie iranskaha kryzisu znajšli vialikaje radovišča pryrodnaha hazu
Italjanskaja enierhietyčnaja kampanija ENI i ŭłady Jehipta abviaścili pra adkryćcio bujnoha radovišča pryrodnaha hazu va ŭschodniaj častcy Mižziemnaha mora. Heta moža dapamahčy krainie spravicca z rostam vydatkaŭ na enierharesursy na fonie vajny, źviazanaj ź Iranam, piša Euronews.
Pavodle papiarednich acenak, radovišča «Temsach» źmiaščaje kala 60 miljardaŭ kubičnych mietraŭ hazu, a taksama kala 130 miljonaŭ baralaŭ hazavaha kandensatu. Prajekt realizujecca sumiesna z kampanijaj British Petroleum praź ich supolnaje pradpryjemstva.
Śvidravina ŭžo rychtujecca da vyprabavańniaŭ. Paśla hetaha płanujuć bureńnie novych śvidravin i budaŭnictva marskoj płatformy, kab pačać pramysłovuju zdabyču.
Heta adkryćcio adbyłosia ŭ vielmi važny momant dla Jehipta. Z-za kanfliktu, źviazanaha ź Iranam, pastaŭki hazu z Katara i Izraila byli parušanyja. U vyniku krainie daviałosia ŭvodzić miery ekanomii: abmiežavańni dla biznesu, rost cen na paliva i skaračeńnie dziaržaŭnych vydatkaŭ. Štomiesiačnyja vydatki na impart hazu amal patroilisia.
Novaje radovišča moža stać dla Jehipta važnaj padtrymkaj, a taksama dapamahčy Jeŭropie ŭ pytańni enierhazabieśpiačeńnia. Adnak nakolki mocna jano paŭpłyvaje na situacyju, budzie zaležać ad chutkaści raspracoŭki i taho, jak doŭha praciahniecca kanflikt.
Adznačajecca, što heta nie pieršaje bujnoje adkryćcio: jašče ŭ 2015 hodzie było znojdziena radovišča Zochr, jakoje davała nadzieju na poŭnuju enierhietyčnuju samadastatkovaść krainy. Ale paźniej Jehipiet zrabiŭ staŭku na rolu rehijanalnaha centra pa pierapracoŭcy i tranzicie hazu.
Jak vajna Trampa ź Iranam nabliziła kaniec nafty i hazu i adkryła darohu elektryčnaści
Zabudźciesia pra naftu i haz. Jak vada moža stać zbrojaj u vajnie ZŠA i Izraila suprać Irana
Čamu na Blizkim Uschodzie tak šmat nafty?
Tramp pahražaje ŭzarvać hazavaje radovišča Paŭdniovy Pars, kali Iran atakuje Katar
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary