Madźjar padłaviŭ Orbana ŭ jahonaj rezidencyi. I navat z hetaha pažartavaŭ VIDEA
Budučy premjer Vienhryi Pieter Madźjar źniaŭ videa kala aficyjnaj rezidencyi dziejnaha premjera Viktara Orbana — i toj navat nie padazravaŭ, što jaho zdymajuć. Adpaviednaje videa Madźjar apublikavaŭ na svajoj staroncy ŭ fejsbuku, zaŭvažyła «RBK-Ukraina».
Pieter Madźjar apublikavaŭ dopis ź videa, na jakim vidać Orbana na terasie — toj prahulvajecca i niešta čytaje.
«Žyćcio — najvialikšy režysior. Pakul prezident Respubliki vychvalaŭsia svaim kabinietam, ź jakoha jon nieŭzabavie pojdzie, ja zaŭvažyŭ na nastupnym paviersie premjer-ministra, jaki idzie ŭ adstaŭku», — napisaŭ Madźjar.
Razam z tekstam jon pastaviŭ pytańnie padpisčykam: što mienavita čytaje Orban? I prapanavaŭ varyjanty:
- raźvitalnuju pramovu;
- nacyjanalnuju hazietu sa sportam;
- siońniašniuju zajavu prezidenta ZŠA Donalda Trampa.
12 krasavika partyja «Cisa» pad kiraŭnictvam Pietera Madźjara pieramahła da taho kiroŭnuju 16 hadoŭ partyju «Fides» Viktara Orbana na parłamienckich vybarach u Vienhryi. Paśla padliku 98,9% biuleteniaŭ jana nabrała 53,07% hałasoŭ i atrymała 138 miescaŭ sa 199 u parłamiencie.
Kab nie płacić padatak na sabak, minčuki pačali zdavać ich u punkty adłovu25
Kamientary
Ciabie navat dvornikam nie abiaruć, ty nie maješ navykaú!)