Taksist sa Stoŭbcaŭ pačuŭ, što piensijanierka jedzie na sustreču z machlarami, i patelefanavaŭ u milicyju
Hrošy ŭdałosia vyratavać.
U minskuju milicyju pastupiła paviedamleńnie ad taksista, što jon viazie sa Stoŭbcaŭ u stalicu piensijanierku, jakaja moža być achviaraj machlaroŭ. Kiroŭca pačuŭ, što 57‑hadovaja pasažyrka razmaŭlaje pa telefonie pra dekłaravańnie hrošaj. I pa darozie patelefanavaŭ na liniju «102».
Da miesca pryznačeńnia vyjechali supracoŭniki kryminalnaha vyšuku. Infarmacyja paćvierdziłasia.
Vyśvietliłasia, što ŭ Minsku piensijanierka sa Stołbcoŭ pavinna była pieradać 38 tysiač rubloŭ pažyłaj žančynie-kurjeru. Jana była zatrymanaja na miescy zdareńnia.
Akazałasia, što 72‑hadovaja minčanka taksama pavieryła machlaram i ledź nie pradała pa ich ukazańni kvateru. A kali ździełka nie adbyłasia, afierysty zrabili žančynu svaim kurjeram. Piensijanierka zabrała ŭ inšych abmanutych minčan hrošy ŭ roznych valutach i schavała pad bałkonam čužoha doma.
Adtul ich zabraŭ nastupny kurjer — 21‑hadovy student z Homiela.
Usie ŭdzielniki padziej byli ašukanymi pa schiemie zamieny damafona. Hrošy ahulnaj sumaj 70 tysiač rubloŭ kanfiskavany i buduć viernutyja ŭłaśnikam.
Ciapier čytajuć
Ź psichbalnicy źbieh były načalnik Hancavickaj milicyi16
Ź psichbalnicy źbieh były načalnik Hancavickaj milicyi
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary