Таксіст са Стоўбцаў пачуў, што пенсіянерка едзе на сустрэчу з махлярамі, і патэлефанаваў у міліцыю
Грошы ўдалося выратаваць.
У мінскую міліцыю паступіла паведамленне ад таксіста, што ён вязе са Стоўбцаў у сталіцу пенсіянерку, якая можа быць ахвярай махляроў. Кіроўца пачуў, што 57‑гадовая пасажырка размаўляе па тэлефоне пра дэклараванне грошай. І па дарозе патэлефанаваў на лінію «102».
Да месца прызначэння выехалі супрацоўнікі крымінальнага вышуку. Інфармацыя пацвердзілася.
Высветлілася, што ў Мінску пенсіянерка са Столбцоў павінна была перадаць 38 тысяч рублёў пажылай жанчыне-кур’еру. Яна была затрыманая на месцы здарэння.
Аказалася, што 72‑гадовая мінчанка таксама паверыла махлярам і ледзь не прадала па іх указанні кватэру. А калі здзелка не адбылася, аферысты зрабілі жанчыну сваім кур’ерам. Пенсіянерка забрала ў іншых абманутых мінчан грошы ў розных валютах і схавала пад балконам чужога дома.
Адтуль іх забраў наступны кур’ер — 21‑гадовы студэнт з Гомеля.
Усе ўдзельнікі падзей былі ашуканымі па схеме замены дамафона. Грошы агульнай сумай 70 тысяч рублёў канфіскаваны і будуць вернутыя ўласнікам.
Цяпер чытаюць
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі15
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары