«Lublu Vienhryju i Viktara». Na mitynhu ŭ padtrymku Orbana ŭ Budapiešcie Vens uklučyŭ žyvuju suviaź z Trampam
Prezident ZŠA Donald Tramp vykazaŭ rašučuju padtrymku Viktaru Orbanu padčas telefanavańnia jamu padčas pieradvybarčaha mitynha ŭ Budapiešcie. Pra heta paviedamlaje vydańnie Euractiv, piša «Jeŭrapiejskaja praŭda».
Vice-prezident ZŠA Džej Dzi Vens, jaki znachodzicca ŭ Vienhryi z metaj ahitacyi za Viktara Orbana, patelefanavaŭ Trampu adrazu paśla taho, jak vienhierski premjer-ministr pryvitaŭ jaho na scenie padčas mitynhu prychilnikaŭ partyi «Fides».
Spačatku telefon Trampa pieravioŭ Vensa na hałasavuju poštu, što ledź nie stvaryła niajomkuju situacyju prosta na scenie.
«Vybačajcie, u čałavieka, jakomu vy sprabujecie dazvanicca, hałasavaja pošta jašče nie naładžana», — prahučaŭ žanočy hołas u adkaz na pieršuju sprobu Vensa, što zmusiła jaho ŭśmichnucca i pasprabavać jašče raz.
JD Vance puts an annoyed Trump on speakerphone at a Viktor Orbán rally:
"Hi. JD, could you give me a second? I'm just... uh..." pic.twitter.com/nVpRmpTNYu
Kali Tramp źniaŭ słuchaŭku, jon nie adrazu vyhladaŭ hatovym havaryć, paprasiŭšy Vensa «pačakać siekundu», ale ahłušalnyja vokličy vienhierskaha natoŭpu, padobna, zmusili jaho pieradumać.
«Ja vialiki prychilnik Viktara, ja całkam jaho padtrymlivaju, Złučanyja Štaty całkam jaho padtrymlivajuć», — skazaŭ Tramp, syplučy pachvałami ŭ adras vienhierskaha premjera.
Tramp skazaŭ, što Orban «nie dazvoliŭ ludziam šturmavać vašu krainu i ŭvarvacca ŭ jaje, jak heta zrabili inšyja».
Taksama jon źviarnuŭsia da natoŭpu praz mabilny telefon Vensa: «Ja lublu Vienhryju, i ja lublu Viktara».
Vens pierad tym zajaviŭ, što prybyŭ u Budapiešt, pakolki «ŭmiašańnie Brusiela» ŭ vybary ŭ Vienhryi źjaŭlajecca aburalnym. Taksama jon stanoŭča acaniŭ pazicyju premjera Viktara Orbana adnosna rasijska-ŭkrainskaj vajny.
U Budapiešt dla ratavańnia Orbana pierad samymi vybarami pryjechaŭ Džej Dzi Vens
Orban u razmovie z Pucinym paraŭnaŭ siabie z myšaniom, što dapamahaje Pucinu, lvu
Infarmacyja pra spravazdačy Kramlu jašče bolš źmienšyła pieradvybarčyja rejtynhi partyi Orbana
U Jeŭrasajuzie abmiarkoŭvajuć źmieny sistemy hałasavańnia, kali na vybarach u Vienhryi znoŭ pieramoža Orban
Kamientary