Čyrvonyja linii vyrazna vyznačyŭ Alaksandr Łukašenka, skazaŭ namieśnik ministra zamiežnych spraŭ Ihar Sakreta.
«Čyrvonyja linii byli vyrazna vyznačany našym prezidentam. Heta — naša miaža», — skazaŭ Sakreta ŭ intervju RT, kamientujučy papiaredžańni ŭkraincaŭ samim prybrać retranślatary dla rasijskich dronaŭ u Biełarusi.
Sakreta papiaredziŭ pra niepaźbiežnuju reakcyju Minska na lubyja varožyja dziejańni. Pavodle jaho słoŭ, Biełaruś hatovaja dać rašučy adkaz z zadziejničańniem usich najaŭnych sił i srodkaŭ.
«Kali miaža budzie biez dazvołu abo z ahresijaj pierasiečana, my adkažam z prymianieńniem usiaho našaha patencyjału», — zajaviŭ namieśnik ministra.
Dypłamat dadaŭ, što i ŭkraincy viedajuć pra heta.
Paśla zajaŭ Zialenskaha pra retranślatary na terytoryi Biełarusi i pahroz, Alaksandr Łukašenka skazaŭ, što Biełaruś nibyta maje ŭsie nieabchodnyja srodki dla abarony. Jon taksama dadaŭ, što žychary Homielskaj vobłaści nie pavinny chvalavacca na hety kont.
Taksama Łukašenka zajaŭlaŭ, što da jaho pryjazdžali pradstaŭniki Zialenskaha, i jon paprasiŭ danieści da Kijeva, što ŭ vypadku ŭciahvańnia Biełarusi ŭ vajenny kanflikt charaktar vajny adrazu źmienicca.
Akramia taho, Łukašenka niečakana daŭ ukazańnie pamiežnikam dazvolić ukraincam pierasiakać miažu dla zboru hryboŭ i jahad na pryhraničnaj terytoryi Biełarusi.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
[Zredahavana]
[Zredahavana]