Чырвоныя лініі выразна вызначыў Аляксандр Лукашэнка, сказаў намеснік міністра замежных спраў Ігар Сакрэта.
«Чырвоныя лініі былі выразна вызначаны нашым прэзідэнтам. Гэта — наша мяжа», — сказаў Сакрэта ў інтэрв’ю RT, каментуючы папярэджанні ўкраінцаў самім прыбраць рэтранслятары для расійскіх дронаў у Беларусі.
Сакрэта папярэдзіў пра непазбежную рэакцыю Мінска на любыя варожыя дзеянні. Паводле яго слоў, Беларусь гатовая даць рашучы адказ з задзейнічаннем усіх наяўных сіл і сродкаў.
«Калі мяжа будзе без дазволу або з агрэсіяй перасечана, мы адкажам з прымяненнем усяго нашага патэнцыялу», — заявіў намеснік міністра.
Дыпламат дадаў, што і ўкраінцы ведаюць пра гэта.
Пасля заяў Зяленскага пра рэтранслятары на тэрыторыі Беларусі і пагроз, Аляксандр Лукашэнка сказаў, што Беларусь нібыта мае ўсе неабходныя сродкі для абароны. Ён таксама дадаў, што жыхары Гомельскай вобласці не павінны хвалявацца на гэты конт.
Таксама Лукашэнка заяўляў, што да яго прыязджалі прадстаўнікі Зяленскага, і ён папрасіў данесці да Кіева, што ў выпадку ўцягвання Беларусі ў ваенны канфлікт характар вайны адразу зменіцца.
Акрамя таго, Лукашэнка нечакана даў указанне памежнікам дазволіць украінцам перасякаць мяжу для збору грыбоў і ягад на прыгранічнай тэрыторыі Беларусі.
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка2
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну44
Каментары
[Зрэдагавана]
[Зрэдагавана]